“သူတို့ လင်မယားက နာမည်ကြီးတယ်။ လင်က စစ်မှုထမ်းဟောင်း၊ မယားကလည်း တပ်ထောက်ခံသူ။ တပ်နဲ့ပေါင်းပြီး လုပ်စားနေသူတွေ။ အခုသေတော့ အလောင်းကောက်ပေးသူတောင်မရှိဘူး”
− ဒေသခံတစ်ဦး
ပဲခူးတိုင်း၊ပေါက်ခေါင်းမြို့နယ်တွင်စစ်မှုထမ်းဟောင်းကျေးရွာအုပ်ချုပ်ရေးမှူး နှင့် ၎င်း၏မိန်းမ သေနတ်ဖြင့်ပစ်ခတ်ခံရပြီး သေဆုံးသွားကြောင်း သတင်းရရှိသည်။
ပေါက်ခေါင်းမြို့နယ်၊ ဘော်ဒါကျေးရွာအုပ်ချုပ်ရေးမှူးဦးခင်မောင်ဝင်းနှင့်မိန်းမဖြစ်သူသည် ပြည်-ပေါက်ခေါင်းလမ်းတွင် စက်တင်ဘာလ ၂ရက်ညနေက ပစ်ခတ်ခံရခြင်းဟု ဒေသခံအချို့ကပြောသည်။
Public Service Announcement
“သူတို့ လင်မယားက နာမည်ကြီးတယ်။ လင်က စစ်မှုထမ်းဟောင်း၊ မယားကလည်း တပ်ထောက်ခံသူ။ တပ်နဲ့ပေါင်းပြီး လုပ်စားနေသူတွေ။ အခုသေတော့ အလောင်းကောက်ပေးသူတောင်မရှိဘူး” ဟု ဒေသခံတစ်ဦးကပြောသည်။
ဦးခင်မောင်ဝင်းနှင့်မိန်းမဖြစ်သူသည်ပြီးခဲ့သည့် ဩဂုတ်လက ပေါက်ခေါင်းမြို့နယ်မှ လူငယ်အချို့ကို စစ်သားစုဆောင်း၍ စစ်ကောင်စီထံအပ်နှံခဲ့ဖူးကြောင်း ဒေသခံတစ်ဦးကပြောသည်။ ထို့အပြင် ယခုရက်ပိုင်း၌ ပေါက်ခေါင်းမြို့၌ စစ်ကောင်စီက လူငယ်များအားပေါ်တာဆွဲရာ၌ ဦးခင်မောင်ဝင်းလည်းလိုက်ပါလာပြီးဒေသခံများအားခြိမ်းခြောက်ခဲ့ကြောင်း ဒေသခံအချို့ကပြောသည်။
“သူက သေနတ်ကိုင်ခွင့်ရထားတာ။ သေနတ်နဲ့ ခြိမ်းခြောက်နေတာ။ နာရေးအိမ်လည်း သွားမယ့်သူမရှိဘူး” ဟု ဒေသခံတစ်ဦးကပြောသည်။
အုပ်ကြီး လင်မယား ကို မည်သူ ၊မည်သည့်အဖွဲ့ကသေနတ်ဖြင့်ပစ်ခတ်ခဲ့သည်ကိုမသိရပါ။မည်သည့်အဖွဲ့ကမျှ သတင်းထုတ်ပြန်ထားခြင်းမရှိသေးပေ။
