အင်ကြင်း/People’s Spring
စစ်ကိုင်းတိုင်း၊ ကောလင်းမြို့နယ်အနောက်ခြမ်း၌ စစ်ဘေးရှောင်များအား ခြင်းယက်နည်းသင်တန်းပို့ချပေးနေပြီး စျေးကွက်ဝင်ရောင်းချနိုင်သည်အထိ ကူညီသွားမည်ဟု ပြည်သူမှ ပြည်သူသို့(ကောလင်း) အဖွဲ့က ပြောသည်။
ကောလင်းမြို့နယ်အနောက်ခြမ်းရှိ စစ်ဘေးရှောင်များ စားဝတ်နေရေးအတွက်အလုပ်အကိုင် ဖော်ဆောင်ပေးနိုင်ရန် ရည်ရွယ်၍ သက်မွေးပညာ ခြင်းယက်သင်တန်းအား ပထမဆုံးအကြိမ်အဖြစ် စက်တင်ဘာလဆန်းမှ စတင်ကာ သင်ကြားပေးနေပြီး စျေးကွက်အတွင်း ရောင်းချနိုင်သည်အထိ စီ
Public Service Announcement
စဥ်ပေးသွားမည်ဖြစ်ကြောင်း ပြည်သူမှ ပြည်သူသို့(ကောလင်း) အဖွဲ့က ပြောသည်။
သင်တန်းအား နေရာ၂ခု၌ ခွဲ၍ ဖွင့်လှစ်ခဲ့ပြီး သင်တန်းတက်ရောက်သူ စုစုပေါင်း ၃၄ ဦး ရှိကြောင်း ပြည်သူမှ ပြည်သူသို့(ကောလင်း)အဖွဲ့တာဝန်ခံ ကိုသဲကြီးက ပြောသည်။
https://www.facebook.com/LuduNwayOo/videos/1245056216635859
“စစ်ဘေးရှောင်တွေရဲ့ လက်တလောစားဝတ်နေရေးဖြေရှင်းနိုင်အောင် တက်နိုင်သမျှ ကူညီပေးတဲ့သင်တန်းဖြစ်တယ်။ အခုလိုအသက်မွေးဝမ်း
ကျောင်းပညာတွေ သင်ပေးနိုင်ဖို့အတွက် ဝိုင်းဝန်းကူညီပေးကြပါဦးလို့၊ အလှူရှင်တွေရဲ့လှူဒါန်းမှုတွေရှိမှသာ ကျွန်တော်တို့ကမြေပြင်မှာထပ်ဆင့် လှူဒါန်းပေးနိုင်မှာပါ။”ဟု ကိုသဲကြီးက ပြောသည်။
ကောလင်းမြို့နယ်အနောက်ခြမ်းတွင်စစ်ရှောင်ပြည်သူ နှစ်သောင်းကျော် ရှိနေပြီး မိုးရာသီဖြစ်၍ အမျိုးသမီးနှင့်ကလေးငယ်များအတွက် တုပ်ကွေးအန္တရာယ်ကြောင့်ခြင်ထောင်များလိုအပ်နေကြောင်း၊ ထို့အပြင် အမိုးအကာ၊ဆေးဝါးနှင့် အခြေခံစားသောက်ကုန်များလိုအပ်နေကြောင်း ပြည်သူမှပြည်သူသို့ (ကောလင်း အဖွဲ့)ထံမှ သတင်းရရှိသည်။
ကောလင်းမြို့အား တော်လှန်ရေးအင်အားစုများက ယမန်နှစ် ၂၀၂၃ ခုနှစ် နိုဝင်ဘာလအတွင်းက သိမ်းပိုက်နိုင်ခဲ့သော်လည်း ၃ လ ကျော်အကြာ ၂၀၂၄ ခုနှစ် ဖေဖော်ဝါရီလအတွင်းတွင််မူ စစ်ကောင်စီက ပြန်လည်ထိုးစစ်ဆင်ပြီး ထိန်းချုပ်ထားခဲ့သည်။
