Connect with us

Hi, what are you looking for?

သတင်း

ရွှေဘိုမြို့တွင် မိုင်းရှင်းနေသည့်စစ်ကောင်စီတပ် မိုင်းထိ၍ထိခိုက်မှုရှိဟုဆို

စစ်ကိုင်းတိုင်း၊ ရွှေဘိုမြို့တွင် PDF ရဲဘော်များထောင်ထားသော မိုင်းများရှင်းလင်းသည့် စစ်ကောင်စီတပ်နှင့် ပျူစောထီးများ မိုင်းပေါက်ကွဲ၍ ထိခိုက်မှုရှိကြောင်း သတင်းရရှိသည်။

ရွှေဘိုပကဖအဖွဲ့ဝင်ရဲဘော်များအား စစ်ဆင်ရေးတစ်ခုတွင် တွေ့ရစဥ်။ ဓာတ်ပုံ - ရွှေဘို ပကဖ

ဇေအောင်/People’s Spring

စစ်ကိုင်းတိုင်း၊ ရွှေဘိုမြို့တွင် PDF ရဲဘော်များထောင်ထားသော မိုင်းများရှင်းလင်းသည့် စစ်ကောင်စီတပ်နှင့် ပျူစောထီးများ မိုင်းပေါက်ကွဲ၍ ထိခိုက်မှုရှိကြောင်း သတင်းရရှိသည်။

စက်တင်ဘာ ၄ ရက်က နံနက်က ရွှေဘိုမြို့နယ်၊ ဇီးကုန်းလေးပျူစောထီးရွာစခန်းမှလာသော အင်အား ၁၀၀ကျော်ပါ စစ်ကောင်စီတပ်နှင့် ပျူစောထီးများသည် စစ်ကြောင်းနှစ်ကြောင်းခွဲ၍ စစ်ကြောင်းထိုးလာခဲ့သည်။

Public Service Announcement

Public Service Announcement

စစ်ကြောင်းတစ်ကြောင်းသည် နေ့လယ် ၁နာရီခွဲခန့်တွင် ရွှေဘိုမြို့ အနောက်ဘက် မြို့ရိုးပေါ်အရောက် PDF ရဲဘော်များထောင်ထားသောမိုင်းများအား တွေ့ရှိပြီး ရှင်းလင်းစဥ် မိုင်းကွဲ၍ စစ်ကောင်စီတပ်နှင့် ပျူစောထီးများ ထိခိုက်မှုရှိကြောင်း လျှပ်စီးမုန်တိုင်း ပကဖအဖွဲ့မှ သတင်းနှင့်ပြန်ကြားရေးတာဝန်ခံ ကိုအောင်ဒင်က ပြောသည်။

ထို့အပြင် ၎င်းတို့ကို ဒရုန်းဖြင့် ဗုံးသီး ၂လုံးချ တိုက်ခိုက်ရာ ပျူစောထီး သုံးဦး ထိခိုက်ဒဏ်ရာရရှိခဲ့ကြောင်း ၎င်းက ပြောသည်။

“ဒီနေ့ ဒဏ်ရာရတဲ့ စခ၊ပခတွေ ရွှေဘိုမှာ မသက်သာလို့ မန္တလေးလွှဲတယ်လို့ ဖရဲသီးကနေ သတင်းပို့ထားတယ်။”ဟု ကိုအောင်ဒင်က ပြောသည်။

ထိုနေ့ပင် ဒရုန်းဖြင့် ဗုံးသီး လေးလုံးချ တိုက်ခိုက်ရာ ပျူစောထီးတစ်ဦးသေဆုံးပြီး နှစ်ဦး ပြင်းထန်ဒဏ်ရာရရှိကြောင်း ရွှေဘိုပကက ပြောသည်။ စစ်အုပ်စု ထိခိုက်သေဆုံးမှုများနှင့်ပတ်သက်ပြီး လူထုနွေဦးက သီးခြားအတည်မပြုနိုင်ပေ။

ဆက်စပ်သတင်းများ

သတင်း

စစ်ကိုင်းတိုင်း၊ ရွှေဘိုခရိုင်မှာ အယ်နီညိုကြောင့် ရာသီဥ​​တု အပြောင်းအလဲ မြန်ဆန်နေတာကြောင့် စစ်ရှောင်ပြည်သူအချို့ ကျန်းမာရေးထိခိုက်မှုတွေရှိနေကြောင်း ဒေသခံတွေက ပြောပါတယ်။

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

Facebook