Connect with us

Hi, what are you looking for?

သတင်း

အဆို​တော်လင်းနစ် ရေဘေးကူညီရန် ကိုယ်ပိုင်သံစဉ်သီချင်းကို လေလံတင်ရောင်း

မြန်မာနိုင်ငံတွင်ရင်ဆိုင်နေရသည့် ရေဘေးကို လှူဒါန်းရန်အတွက် တော်လှန်အနုပညာရှင်အဆိုတော် လင်းနစ်က ၎င်း၏ကိုယ်ပိုင်သံစဉ်”ချစ်သူ့အိမ်အပြန်” သီချင်းကို လေလံတင်ရောင်းချနေသည်။

(ဇွန် ၂၉ ရက်ကပြုလုပ်သည့် Maryland Music Concert ရန်ပုံငွေပွဲတွင်ဖျော်ဖြေနေသည့်လင်းနစ်)

ဆဏ်း / People’s Spring

မြန်မာနိုင်ငံတွင်ရင်ဆိုင်နေရသည့် ရေဘေးကို လှူဒါန်းရန်အတွက် တော်လှန်အနုပညာရှင်အဆိုတော် လင်းနစ်က ၎င်း၏ကိုယ်ပိုင်သံစဉ်”ချစ်သူ့အိမ်အပြန်” သီချင်းကို လေလံတင်ရောင်းချနေသည်။

“သူများတွေလည်း အသီးသီးလှုနေကြလို့ ကိုယ်လည်းလှုချင်တာမို့ သီချင်းလေးကို လေလံတင်ရောင်းခွင့်ပြုပါ။ သီချင်းလေးကရေးထားတာရော Demo လုပ်ထားတာရောကတော့ ကြာပါပြီ။ သူငယ်ချင်းတယောက်တော့ဆိုဖူးပါတယ် ဒါ ပေမယ့် အခုဝယ်တဲ့သူက ဒီသီချင်းကို ညာဏမူပိုင်ခွင့်ပါ အလုံးစုံပိုင်ဆိုင်ခွင့်ရမှာပါ” ဟု လင်းနစ်က စက်တင်ဘာ ၁၃ ရက်တွင် ၎င်း၏ဖေ့စ်ဘွတ်ခ်၌ ကြေညာထားသည်။

Public Service Announcement

Public Service Announcement

ကြမ်းခင်းဈေး ဒေါ်လာ ၅၀၀ သတ်မှတ်ထားပြီး လေလံအောင်သူသည်ယင်းသီချင်း၏ဉာဏမူပိုင်ခွင့်ကိုပါ ရရှိမည်ဖြစ်သောကြောင့် စိတ်ကြိုက်အကြိမ်ကြိမ် ပြန်တီး ပြန်ဆိုခွင့်ရှိသလို ရုပ်သံထုတ်လွှင့်ခွင့်နှင့် အခြားသူများကို သီဆိုခွင့် ပြုမပြုအထိ ပြုလုပ်နိုင်ကြောင်း ၎င်းကရှင်းပြသည်။

“သီချင်းတပုဒ်ဟာပေါက်ပြီးရင် နှစ်ပေါင်းများစွာအထိ ဉာဏမူပိုင်ခွင့်ကနေ ဝင်ငွေဝင်နေတာမို့ မူပိုင်ခွင့်ပါရတာဟာ သီချင်းပိုင်ရှင်အတွက် အကျိုးအမြတ်များစွာရရှိမှာပါ” ဟု လင်းနစ်ကပြောသည်။

ယင်းသီချင်းလေလံမှရရှိသည့်ငွေအားလုံးကို ရေဘေးအလှူအတွက် လှူဒါန်းမည်ဟု အသိပေးထားပြီး ပို့စ်တင်ပြီး တစ်နာရီအတွင်း ဒေါ်လာ ၁၀၀၀ အထိဈေးပေးထားသူရှိကြောင်း ၎င်းက​ပြောသည်။ မြန်မာစံ​တော်ချိန် စက်တင်ဘာ ၁၄ရက်နံနက် ၈ နာရီ ​ကျော်တွင် ​ဒေါ်လာ ၅၀၀၀ အထိ​ဈေး​ပေးထားသည်ကို​တွေ့ရသည်။

လေလံတွင်ပါဝင်လိုသူများအနေဖြင့် ယင်းပို့စ်အောက်တွင်ဖြစ်စေ ၊ လင်းနစ်၏ မက်ဆန်ဂျာ၌ ဖြစ်စေ လာရောက်ဈေးပေးနိုင်ကြောင်း ကြေညာထားသည်။

လင်းနစ်သည် နွေဦးတော်လှန်ရေး၌ ပြည်သူနှင့်အတူ ရပ်တည်ခဲ့သူတစ်ဦးဖြစ်ပြီး လက်ရှိတွင် အမေရိကန်နိုင်ငံ၌ နေထိုင်လျက်ရှိကာ တော်လှန်ရေးရန်ပုံငွေပွဲများတွင် ပါဝင်ဖျော်ဖြေပေးနေသည်။

ဆက်စပ်သတင်းများ

သတင်း

တနင်္သာရီတိုင်းသရက်ချောင်းမြို့နယ် ကညင်ချောင်းကျေးရွာကို အာဏာသိမ်းစစ်တပ်က လေကြောင်းကနေ ဗုံးကြဲခဲ့လို့ ကလေးငယ်အပါအဝင် ပြည်သူ ၄ဦးသေဆုံးပြီးဒဏ်ရာရသူတွေလည်းရှိခဲ့တယ်လို့ ကရင်အမျိုးသားအစည်းအရုံး(KNU)မြိတ်ထားဝယ်ခရိုင်ကသတင်းထုတ်ပြန်ပါတယ်။

သတင်း

ဧရာဝတီတိုင်းအတွင်း ရေဘေးသင့်ဒေသတွေမှာပျက်စီးသွားတဲ့စပါးခင်းတွေအတွက် စစ်​ကောင်စီကပြန်လည်ထောက်ပံ့တဲ့ မျိုးစပါးတွေ အရည်အသွေးညံ့ပြီး ပျိုးမ‌အောင်တဲ့အတွက်​ရေ​ဘေးသင့်​တောင်သူ​တွေ ဆုံးရှုံးမှုတွေထပ်မံကြုံတွေ့ရတယ်လို့ဒေသခံတောင်သူလယ်သမားတွေကပြောပါတယ်။

သတင်း

ရေဘေးနဲ့ မြေပြိုဘေး ဆိုးရွားစွာကြုံတွေ့ခဲ့ရတဲ့ လောင်းလုံးမြို့နယ်၊ တောကျဲကျေးရွာမှာ ဒီကနေ့ ရုပ်အလောင်း ၁လောင်း ထပ်မံတူးဖော်တွေ့ရှိခဲ့တယ်လို့ ဒေသခံတွေက ပြောပါတယ်။

နိုင်ငံတကာ

နီပေါနိုင်ငံ အလယ်ပိုင်းက ကုန်းမြင့်ဒေသတွေမှာ ရေကြီးမှုတစ်ခု ကြုံတွေ့ခဲ့ပြီး အိမ်တွေ၊ အဆောက်အအုံတွေ၊ တံတားတွေ ရေစီးနဲ့ မျောပါ ပျက်စီးကုန်သလို လူ ၅ ဦးထက်မနည်း ပျောက်ဆုံးနေကြောင်း သိရပါတယ်။

Facebook