Connect with us

Hi, what are you looking for?

သတင်း

မုံရွာမြို့နယ်တွင် ရိက္ခာပို့လာသည့် စစ်ကောင်စီရေယာဥ်နှစ်စီးတိုက်ခိုက်ရာ တစ်စီးသိမ်းရဟု PDFပြော

စစ်ကိုင်းတိုင်း၊ မုံရွာမြို့နယ်တွင် ပျူစောထီးကျေးရွာသို့ ရိက္ခာပို့လာသည့် စစ်ကောင်စီရေယာဥ်နှစ်စီးအား တိုက်ခိုက်ရာ တစ်စီးသိမ်းဆည်းရမိကြောင်း ပြည်သူ့ကာကွယ်ရေး ပူးပေါင်းတပ်များက ပြောသည်။

စစ်ကောင်စီရေယာဥ်အား တိုက်ခိုက်ရန်ပြင်ဆင် နေစဥ်။ဓာတ်ပုံ-File

ဇေအောင်/People’s Spring

စစ်ကိုင်းတိုင်း၊ မုံရွာမြို့နယ်တွင် ပျူစောထီးကျေးရွာသို့ ရိက္ခာပို့လာသည့် စစ်ကောင်စီရေယာဥ်နှစ်စီးအား တိုက်ခိုက်ရာ တစ်စီးသိမ်းဆည်းရမိကြောင်း ပြည်သူ့ကာကွယ်ရေး ပူးပေါင်းတပ်များက ပြောသည်။

ယနေ့(စက်တင်ဘာ ၁၄ရက်) နံနက် ၈နာရီခန့်က မုံရွာမြို့နယ်၊ အုန်းပင်ဆိပ်ကမ်းမှ စစ်ကောင်စီတပ်ဖွဲ့ဝင်များ လိုက်ပါလာသော အမြန်ရေယာဥ်တစ်စီးနှင့် ဖလက်ရေယာဥ်တစ်စီးသည် ချင်းတွင်းမြစ်အတိုင်း စုန်ဆင်း၍ ချောင်းဦးမြို့နယ်၊ ကံကြီးကုန်းပျူစောထီးကျေးရွာသို့ ရိက္ခာနှင့်အင်အား သွားရောက်ပို့ဆောင်ခဲ့သည်။

Public Service Announcement

Public Service Announcement

မြစ်ကြောင်းတစ်နေရာအရောက်တွင် ပြည်သူ့ကာကွယ်ရေးပူးပေါင်းတပ်များက ရှေ့ထွက်ပြောင်းများ၊ လက်နက်ငယ်များဖြင့် ဖြတ်တောက်တိုက်ခိုက်ခဲ့ရာ ဖလက်ရေယာဥ်မှာ နံရံပေါက်ထွက်၍ စက်ပျက်သွားခဲ့ကြောင်း ပြည်သူ့ကာကွယ်ရေး ပူးပေါင်းတပ်များက ပြောသည်။

ကျန်ရစ်ခဲ့သည့် အဆိုပါရေယာဥ်အား ပြည်သူ့ကာကွယ်ရေး ပူးပေါင်းတပ်များက သိမ်းယူခဲ့ကြောင်း သိရသည်။

ထို့အပြင် ကံကြီးကုန်းရွာသို့ လူအင်အား၊စားနပ်ရိက္ခာများချ၍ ပြန်လည်ဆန်တက်လာသည့် အမြန်ရေယာဥ်ကိုလည်း ဆားလင်းကြီးမြို့နယ်တနေရာတွင် ထပ်မံတိုက်ခိုက်ခဲ့ကြောင်း Chindwin Dynamite- Salingyi အဖွဲ့တာဝန်ရှိသူက ပြောသည်။

စစ်ကောင်စီရေယာဥ်အား တိုက်ခိုက်ရန်ပြင်ဆင် နေစဥ်။ ဓာတ်ပုံ-File

“ဖလက်တစ်စီးက ပေါက်ထွက်သွားပြီး စက်ပျက်သွားခဲ့တယ်။ သူတို့တွေဘက်ကလည်း စက်လက်နက်တွေ ဂန်းငယ်တွေနဲ့ ပြန်ပစ်ခဲ့တယ်။ ကျွန်တော်တို့ မဟာမိတ်ညီနောင်အဖွဲ့တွေ အထိအခိုက်မရှိ ဆုတ်ခွာနိုင်ခဲ့တယ်”ဟု ၎င်းက ပြောသည်။

နှစ်ဘက်အပြန်အလှန်ပစ်ခတ်မှုများ၌ ရေယာဥ်ပေါ်ပါ စစ်ကောင်စီတပ်သားများ ထိခိုက်သေဆုံးမှုများရှိပြီး ပြည်သူ့ကာကွယ်ရေးရဲဘော်များ အထိအခိုက်မရှိဟု သိရသည်။

အဆိုပါစစ်ဆင်ရေးကို Chindwin Dynamite (Salingyi)၊ ယင်းမာပင်ခရိုင်တပ်ရင်း(၃၅)၊ တပ်ခွဲ(၃) တောင်ပံနီအထူးပြောက်ကျားတပ်ဖွဲ့(Salingyi)၊ Fighter Nine Force(Salingyi)၊ SRA အောင်ကြီး(Salingyi)အဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်သည်။

ကံကြီးကုန်းပျူစောထီးရွာအား သြဂုတ်လကုန်ပိုင်းကလည်း ပြည်သူ့ကာကွယ်ရေးပူးပေါင်းတပ်များက ထိုးစစ်ဆင်တိုက်ခိုက်ခဲ့ရာ စစ်ကောင်စီဝင်များ အထိနာ၍ လေကြောင်းပစ်ကူပါ အသုံးပြုတိုက်ခိုက်ခဲ့သည်။

ဆက်စပ်သတင်းများ

သတင်း

မန္တလေး-မုံရွာလမ်းပိုင်းကုန်ကားတွေကို စစ်တပ်က တရားမဝင် ငွေတောင်းခံမှု သိန်းဂဏန်းတွေအထိ တိုးတောင်းလာတာကြောင့် ကုန်ကားသမားတွေ ပိုပြီးအခက်အခဲ တွေ့နေရတယ်လို့ ယာဉ်မောင်းတွေက ပြောပါတယ်။

သတင်း

စစ်ကိုင်းတိုင်း၊ မုံရွာမြို့​က သီတင်းကျွတ်ဘုရားကြီးပွဲလာသူအချို့ရဲ့ ဆိုင်ကယ်နဲ့ သုံးဘီးဆိုက်တွဲတွေ ပျောက်ဆုံးခဲ့ကြောင်း ဒေသခံတွေက ပြောပါတယ်။

သတင်း

စစ်ကိုင်းတိုင်း၊ မုံရွာမြို့နယ်၊ ကျောက္ကာရွှေဂူနီဘုရားဝင်းမှာ တပ်စွဲထားတဲ့ စစ်တပ်ကို တော်လှန်ရေးတပ်ဖွဲ့တွေ တိုက်ခိုက်ခဲ့ပါတယ်။

သတင်း

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်(PDF)၊ စစ်ရုံးချုပ်ကွပ်ကဲမှုအောက်ရှိ အမှတ် (၉၇၁၁) တပ်ရင်းကို လက်နက်တပ်ဆင်ခြင်းအခမ်းအနား ကျင်းပခဲ့ကြောင်း ပြည်သူ့ကာကွယ်ရေးတပ်မတော် က သတင်းထုတ်ပြန်ပါတယ်။

Facebook