ဆိုင်းမင်း/People’s Spring
ရှမ်းပြည်နယ်မြောက်ပိုင်း ၊ သီပေါမြို့နယ်မှာ စက်တင်ဘာလကုန်ပိုင်းက လေကြောင်းနဲ့လက်နက်ကြီး ပစ်ခတ်တိုက်ခိုက်မှုကြောင့် ကလေး ၁ဦးအပါအဝင်အရပ်သား ၄ ဦးသေဆုံးတယ်လို့ ဒေသတွင်း ပရဟိတအဖွဲ့တွေ ထံကသိရပါတယ်။
စက်တင်ဘာလ ၂၈ ရက်နဲ့ ၂၉ ရက်တွေမှာ မြို့ပေါ် နဲ့ သီပေါမြို့နယ်ထဲက ခါလိန်းကျေးရွာတို့ စစ်ကောင်စီတပ်ရဲ့ တိုက်ခိုက်ခံရတာဖြစ်ပြီး အရပ်သားထိခိုက်သေဆုံးမှုတွေရှိခဲ့တာပါ။
Public Service Announcement
လေကြောင်းနဲ့လက်နက်ကြီး ရန်ကြောင့် ခါလိန်ရွာမှာ ၃ ဦး ၊ မြို့ပေါ် ဓမ္မာရုံက ဂေါပက အဖွဲ့ဝင် သက်ကြီးပိုင်း အမျိုးသား ၁ဦီး စုစုပေါင်း ၄ ဦီးသေဆုံးခဲ့ရတယ်လို့ သိရပါတယ်။
ခါလိန်ရွာကသေဆုံးသူ အရပ်သားတွေထဲမှာ ၅ နှစ်အရွယ် ကလေးငယ် ပါဝင် တယ်လို့သိရပါတယ်။
ဒါအပြင် သီပေါမြို့ ဇာတ်စုရပ် မှာ ၄ ဦီး ၊ ပန်းတိမ်မြောက်ရပ်မှာ ၂ ဦီး ၊ စျေးရပ်ကွက်မှာ ၂ ဦီး စုစုပေါင်း အရပ်သား ၈ ဦးလည်း လေကြောင်းနဲ့လက်နက်ကြီး ရန်ကြောင့် ထိခိုက်ဒဏ်ရာရခဲ့ပါတယ်။
နယ်စည်းမခြား အရေးပေါ်အသက်ကယ်ဆယ်ရေးအသင်း(သီပေါ) ရဲ့ ဓာတ်ပုံမှတ်တမ်းတွေအရ သေဆုံးသူအရပ်သားရုပ်အလောင်းတွေမှာ ကိုယ်လက်အင်္ဂါ အစိတ်အပိုင်းတွေ တစစီဖြစ်သွားတာတွေ့ရပါတယ်။
သေဆုံးသွားသူတွေနဲ့ ဒဏ်ရာရသူတွေရဲ့ အမည် ၊ ကျား၊ မ ၊ အသက်အရွယ်တွေကိုတော့ စုံစမ်းနေပါတယ်။
ပြီးခဲ့တဲ့ စက်တင်ဘာ ၂၃ရက် ကလည်း သီပေါမြို့ ၊ နားလွယ်ကျေးရွာကို လေယာဥ်နဲ့ဗုံးကြဲတိုက်ခိုက်ရာ မြေအဖွား ၄ ဦီးနေရာတင်သေဆုံးခဲ့ပါတယ်။
ရှမ်းပြည်မြောက်ပိုင်း က သီပေါမြို့ကို သိမ်းယူဖို့အတွက် ၁၀၂၇ စစ်ဆင်ရေးအပိုင်း (၂)မှာ တအာင်းတပ်(TNAL) က ထိုးစစ်ဆင်ခဲ့ပြီး မြို့ပေါ် ကို ထိန်းချုပ်ထားနိုင်တယ်လို့သိရပါတယ်။
မြို့ပြင်မှာတော့ စစ်ကောင်စီတပ်ရဲ့ ခြေလျင်နဲ့ ခြေမြန်တပ်ရင်း ၃ရင်း ရှိနေပြီး တိုက်ပွဲတွေ ဆက်လက်ဖြစ်ပွားနေဆဲ ဖြစ်ပါတယ်။
