ရဲခေါင်/People’s Spring
စစ်ကောင်စီ၏ စက်သုံးဆီဝယ်ယူခွင့်ကတ် (စမတ်ကတ်)နမှုနာများထွက်လာပြီး ယခု အောက်တိုဘာအတွင်း စတင်အကောင်အထည် ဖော်တော့မည်ဟု စက်သုံးဆီအရောင်းဆိုင်အချို့က ပြောသည်။
စက်သုံးဆီဝယ်ယူခွင့် စမတ်ကဒ်သည် နိုင်ငံခြားငွေ သုံးစွဲမှုလျှော့ချရန် ကြံစည်နေသည့် စစ်ကောင်စီ၏ ကြိုးပမ်းမှုဖြစ်သည်။
Public Service Announcement
ဆီဝယ်ယူခွင့်ကတ်ပြားကို ယာဉ်နှင့်တစ်ပါတည်း ယူဆောင်လာရမည်ဖြစ်ပြီး ဆီဝယ်ယူခွင့်ကတ် ပြားပါယာဥ်ဖြင့်သာ စက်သုံးဆီဝယ်ယူရမည်ဟု သတ်မှတ်ထားသည်။
“ ကတ်ပြားက တစ်ရက်တစ်ကြိမ်ပဲပေးမှာလား။ပြီးတော့ ကတ်ပြားထုတ်ရမယ့်စနစ်တွေစတဲ့ မူဝါဒတွေကတော့ ညှိနေတုန်းပဲဲ။ဒါပေမယ့် ဒီလထဲ စအကောင် အထည်ဖော်ဖို့များတယ်” ဟု မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်းတာသူဝန်ရှိသူတစ်ဦးက လူထုနွေဦးသို့ ပြောသည်။
စက်သုံးဆီ ဝယ်ယူခွင့်ကတ်ပြားသည် ဆီဝယ်ယူချိန် ကားနံပါတ်၊ ယာဉ်အမျိုးစား၊ ဝယ်ယူသည့် ဆီအမျိုးအစားကို အချက်အလက်ကောက်ယူမည့် ကတ်အမျိုးအစားဟု ဆိုသည်။
“ စက်သုံးဆီနဲ့ အသုံးပြုရတဲ့ ထွန်စက်၊ ရိတ်စက်၊ လုပ်ငန်းသုံးမီးစက်တွေ၊လှေနဲ့ သဘော်တွေအတွက်ဘယ်လိုလုပ်မလဲ။လုပ်လိုက်ရင် ဥာဏ်ကြီးရှင်တွေ” ဟု စက်သုံးဆီသုံးစွဲနေသူတစ်ဦးက ပြောသည်။
စစ်တပ်အာဏာသိမ်းပြီးနောက်ပိုင်း ပြည်တွင်းစက်သုံးဆီစျေးမှာ စံချိန်တင်မြင့်တက်ခဲ့ပြီး စက်သုံးဆီပြတ်လပ်မှုမှာလည်း မကြာခဏ ဖြစ်ပွားခဲ့သည်။
ယနေ့(အောက်တိုဘာ ၄ရက်)တွင် စက်သုံးဆီရန်ကုန်စျေးကွက် ရည်ညွှန်းစျေးအရ ၉၂ တစ်လီတာ ၂,၉၅၅ ကျပ်၊၉၅ တစ်လီတာ ၃,၁၅၀ကျပ်၊ဒီဇယ်တစ်လီတာ ၂,၅၇၀ ကျပ်နှင့် ပရီ မီယံ ဒီဇယ်တစ်လီတာ ၃,၁၉၀ကျပ် ရှိသည်။
