ကျော်ဇော/People’s Spring
တနင်္သာရီတိုင်း၊ လောင်းလုံးမြို့နယ်တွင် သန် ခေါင်စာရင်းကောက်ယူရာတွင် လုံခြုံရေးယူပေးသည့် စစ်ကောင်စီတပ်သားများအား ဒရုန်းဖြင့် ဗုံးကြဲတိုက်ခိုက်ခဲ့ကြောင်း ဖက်ဒရယ်ဓူဝံကြယ် တပ်ဖွဲ့(FPF)မှ တာဝန်ရှိသူတစ်ဦးက ပြောသည်။
အောက်တိုဘာ ၁၁ ရက် နံနက် ၅နာရီဝန်းကျင်က သန်းခေါင်စာရင်းကောက်ယူရာတွင် လုံခြုံရေးယူရန် လောင်းလုံးမြို့နယ်မီးသတ်ရုံးသို့ရောက်ရှိနေသည့် စစ်ကောင်စီတပ်သားများအား ဒရုန်းဖြင့် ဗုံးကြဲတိုက်ခိုက်ခဲ့ခြင်း ဖြစ်သည်။
Public Service Announcement
“ထားဝယ်မြို့ကနေ သန်းခေါင်စာရင်းကောက်ဆင်းလာတဲ့စစ်ကြောင်းကို လောင်းလုံးမြို့ နယ်ထဲ စကစတွေက လမ်းကင်းထွက်ယူပေးတာပါဗျ။ အဲဒီအဖွဲ့ကို တိုက်ခိုက်ခဲ့တာ”ဟု ဖက်ဒရယ်ဓူဝံကြယ်တပ်ဖွဲ့(FPF)မှ တာဝန်ရှိသူတစ်ဦးက ပြောသည်။
လောင်းလုံးမြို့နယ်မီးသတ်ရုံးသည် ထားဝယ်-လောင်းလုံလမ်းပေါ်၌တည်ရှိပြီး ရုံးအပေါ်ထပ်နှင့် အောက်ထပ်တွင် အင်အား ၄၀ခန့်ဖြင့် နေရာယူထားရာ ဗုံးကြဲတိုက်ခိုက်ခံရမှုကြောင့် စစ်ကောင်စီတပ်သားသုံးဦး ပြင်းထန်ဒဏ်ရာရသွားပြီး သေဆုံးမှုရှိ၊မရှိ မသိသေးဟု ၎င်းကဆက် ပြောသည်။
တနင်္သာရီတိုင်း၊ ပုလောမြို့နယ်တွင်လည်း အောက်တိုဘာ ၁ ရက်နက သန်းခေါင်စာရင်းကောက်ယူရန် လုံခြုံရေးယူသည့်အဖွဲ့နှင့် စစ်ကောင်စီတပ်အထိုင်စခန်းအချို့ကို တော်လှန်ရေးပူးပေါင်းတပ်များအဖွဲ့များခွဲ၍ တိုက်ခိုက်ခဲ့သေးသည်။
စစ်ကောင်စီတပ်သည် လောင်းလုံးမြို့နယ် အတွင်းရှိ ကျေးရွာများတွင် သန်းခေါင်းစာရင်းများလိုက်လံကောက်ယူနေပြီး မြို့ပေါ်တွင်လည်း တပ်အက်အားတိုးချဲ့ထားသည်။
