စစ်​ကောင်စီက ဂန့်ဂေါမြို့နယ်တွင်ဗုံးကြဲပြည်သူ ၂ဦး​သေ ၊ ၂ ဦးဒဏ်ရာရ

လူအေး/People’s Spring

စစ်​ကောင်စီက မကွေးတိုင်း၊ဂန့်ဂေါမြို့နယ်တွင်းတစ်​နေရာကို ယနေ့(အောက်တိုဘာလ ၁၄ရက်)ညနေပိုင်းက လေကြောင်းမှဗုံးကြဲတိုက်ခိုက်ရာ ဒေသခံနှစ်ဦးသေဆုံးပြီး နှစ်ဦးဒဏ်ရာရရှိခဲ့သည်။

ညနေ ၃နာရီခွဲခန့်တွင် ဂန့်ဂေါမြို့နယ် လာပို့ရွာနှင့် ဘောပြင်းရွာကို ဂျက်ဖိုက်တာဖြင့် ပေါင် ၅၀၀ဗုံး ကျဲချတိုက်ခိုက်ခြင်းဟု ဒေသခံများကပြောသည်။

Public Service Announcement

ဘောပြင်းရွာမှ ​ဒေသခံပြည်သူနှစ်ဦးသေဆုံးပြီးလာပို့ရွာမှ​ဒေသခံ နှစ်ဦးဒဏ်ရာရရှိခဲ့ကြောင်း သတင်းရရှိသည်။ သေဆုံးဒဏ်ရာရသူများနှင့်ပတ်သက်၍ အသေးစိတ်မသိရှိရသေးပေ။

စစ်ကောင်စီက လေကြောင်းမှ ထပ်မံဗုံးကြဲတိုက်ခိုက်မည် စိုး​သေ​ကြောင့် ဒေသခံပြည်သူများမှာဘေးလိုမည်ထင်သည့်နေရာသို့ ညတွင်းချင်းတိမ်းရှောင်မှုများရှိနေသည်။

အောက်တိုလာလ ၅ ရက်ကလည်း ဂန့်ဂေါမြို့နယ်၊ ဆင်မရွာကို စစ်‌ကောင်စီက လေကြောင်းမှ နှစ်ကြိမ်ဗုံးကြဲခဲ့ရာ အရပ်သားတစ်ဦး သေဆုံးခဲ့သည်။

စစ်ကောင်စီသည် အောင်တိုဘာလဆန်းတွင် နိုင်ငံတဝန်းလေကြောင်းမှ နေ့စဉ်ဗုံးကြဲတိုက်ခိုက်နေသည်။

​အောက်တိုဘာ ၁၄ ရက်ညနေ ၅နာရီခွဲခန့်တွင်လည်း ရှမ်းပြည်နယ် မြောက်ပိုင်းလားရှိုးမြို့ကို လေကြောင်းမှဖပ်မံဗုံးကြဲတိုက်ခိုက်ရာ အရပ်သား ၁ဦး​သေဆုံးပြီး ၁ ဦးဒဏ်ရာရရှိခဲ့ကြောင်း ကနဦးသတင်းရရှိသည်။