စစ်ကောင်စီတပ်သား ၁၄ဦးသေဆုံးပြီး ဗိုလ်ကြီးသုံးဦး အပါအဝင်၁၇ဦး ဖမ်းမိ
စစ်ကောင်စီတပ်သား ၁၄ဦးသေဆုံးပြီး ဗိုလ်ကြီးသုံးဦး အပါအဝင်၁၇ဦး ဖမ်းမိBPLA ရဲဘော် တဦးကျဆုံး ပြီးဒဏ်ရာရသူအချို့ရှိ
KNUတပ်မဟာ(၅)နယ်မြေရှိ ခေါပုတ်စခန်းမှ ဆုတ်ခွာထွက်ပြေးသွားသည့် စစ်ကောင်စီတပ်သားများအား မဟာမိတ်များနှင့်အတူ လိုက်လံရှင်းလင်းသည့်တိုက်ပွဲအတွင်း စစ်ကောင်စီဘက်မှ ၁၄ဦး သေဆုံးပြီး ဗိုလ်ကြီးသုံးဦးအပါအဝင် စစ်သုံ့ပန်း၁၇ဦးမှာ လက်နက်များနှင့်ဖမ်းမိကြောင်း ဗမာပြည်သူ့လွတ်မြောက်ရေးတပ်တော်(BPLA)က ထုတ်ပြန်သည်။
ခေါပုတ်စခန်းသည် ကရင်အမျိုးသားအစည်းအရုံး(KNU)တပ်မဟာ(၅)နယ်မြေ၊ ဖာပွန်ခရိုင်တွင် ရှိပြီး ပူးပေါင်းတပ်များက အောက်တိုဘာ ၃၀ရက်ကသိမ်းယူစဉ် စစ် ကောင်စီတပ်ဖွဲ့ဝင်များ ထွက်ပြေးသွားခြင်းဖြစ်သည်။
ထွက်ပြေးသူများအား ကရင်အမျိုးသားလွတ်မြောက်ရေးတပ်မတော်(KNLA)၊ ပြည်သူ့ကာကွယ်ရေးတပ်မတော်(PDF)၊ Force for Federal Democracy(FFD)တို့ပါဝင်သော မဟာမိတ်ပူးပေါင်းအဖွဲ့များနှင့်အတူ လိုက်လံရှင်းလင်းစဉ် နိုဝင်ဘာ ၃ ရက်တွင်တိုက်ပွဲဖြစ်ခဲ့ခြင်းဟု BPLAက ထုတ်ပြန်သည်။
Public Service Announcement
” ရန်သူ့အလောင်း ၁၄ လောင်း၊ တပ်ခွဲမှူးအဆင့် ဗိုလ်ကြီး သုံးဦးအပါအဝင် စစ်သုံ့ပန်း ၁၇ဦးတို့ကို လက်နက်များနှင့်အတူ အရှင်ဖမ်းဆီးရရှိခဲ့ပါသည်”ဟု BPLA က အသိပေးထားသည်။
အဆိုပါတိုက်ပွဲတွင် BPLA ရဲဘော်(၁)ဦးကျဆုံးခဲပြီး ထိခိုက်ဒဏ်ရာရသူတချို့လည်းရှိခဲ့ကြောင်းလည်း ဖော်ပြထားသည်။
အောက်တိုဘာ ၃၀ရက်က စခန်းသိမ်းတိုက်ပွဲတွင်လည်း စစ်ကောင်စီတပ်သား ၁၀ ဦးထက် မနည်းသေဆုံးကာ ၆ဦး အရှင်ဖမ်းမိထားခဲ့သည်။ ခေါပုတ်စခန်းသည် ဖာပွန်ခရိုင်အတွင်း ၁၉၉၂ ခုနှစ်ကတည်းက တည်ထောင်ခဲ့သည့် စစ်ကောင်စီ၏ အမာခံစခန်းဖြစ်ပြီး နှစ် ၃၀ကျော်အကြာတွင် စစ်ကောင်စီက လက်လွတ်ဆုံးရှုံးလိုက်ရပြီဖြစ်သည်။
