အိမ်သွင်/People’s Spring
ကျိုက်လတ်မြို့အနီးတွင် ယမန်နေ့ (နိုဝင်ဘာလ ၂၀ရက်) ညနေပိုင်းတွင် လှုပ်ခတ်သွားသောမြေငလျင်ကြောင့် ရန်ကုန်တိုင်းကော့မှူးမြို့နယ်တွင် စေတီတစ်ဆူထီးတော် ကျိုးကျခဲ့ပြီး နေအိမ်တစ်လုံး ပျက်စီးခဲ့သည်။
ဧရာဝတီတိုင်း၊ ကျိုက်လတ်မြို့နယ်ကို ဗဟိုပြု၍ နိုဝင်ဘာ ၂၀ ရက်နေ့ညနေ ၅နာရီ ၃၄မိနစ်ကရစ်ချ်တာစကေး ၄ဒဿမ၉အဆင့်ရှိ ငလျင်လှုပ်ခတ်ခဲ့သည်။ ထိုအပြင် ရစ်ချ်တာစကေး ၃အထက် အင်အားရှိ နောက်ဆက်တွဲမြေ ငလျင် သုံးကြိမ်လှုပ်ရှားခဲ့ကြောင်း ထိုင်းမိုးလေဝသနှင့်ဘူမိဌာတ(TMG)က ထုတ်ပြန်သည်။
၅နာရီ ၃၄မိနစ်က လှုပ်ရှားသည့်ငလျင်ကြောင့် ကော့မှူးမြို့နယ်၊ ကျိုက်ထော်ရွာ ဆုတောင်းပြည့်စေတီ စိန်ဖူးတော်ကျိုးကျပြီး ကျိုက်တော်ရွာ၊ ဘုရားလမ်းမှ အုတ်ညှပ် တစ်ထပ်အိမ်နံရံပြိုကြခဲ့သည်။ အိမ်နံရံပြိုကျမှု၌ အမျိုးသားတစ်ဦးဒဏ်ရာနည်းငယ်ရရှိခဲ့ကြောင်းစုံစမ်းသိရသည်။ ငလျင်ကြောင့် အခြားထိခိုက်ပျက်စီးမှုများလည်း ရှိနိုင်သော်လည်း ယခုပျက်စီးမှုသတင်းသာရရှိသေးခြင်းဖြစ်သည်။
Public Service Announcement
ငလျင်လှုပ်ရှားမှုသည် ကျိုက်လတ်မြို့နယ်အပြင် ဘေးပတ်ဝန်းကျင်ရှိ ဒေဒရဲမြို့၊ ကော့မှူးမြို့တို့တွင်သာမက ရန်ကုန်မြို့တွင်လည်း သိသိသာသာခံစားခဲ့ကြရသည်။
ဧရာဝတီတိုင်းနှင့်ရန်ကုန်တိုင်ထိစပ်နေရာတွင် ဒေးဒရဲပြတ်ရွေ့ရှိပြီး ယခုငလျင်သည် ဒေးဒရဲပြတ်ရွေ့လှုပ်ရှားခြင်းဖြစ်နိုင်ကြောင်း ဘူမိဗေဒကျွမ်းကျင်သူအချို့ကဆိုသည်။ဒေးဒရဲပြတ်ရွေ့လှုပ်ရှားပါက ရန်ကုန်မြို့၌လည်းသက်ရောက်နိုင်သည်။
နိုဝင်ဘာ ၂၀ ရက်တွင် လှုပ်ခတ်သောကျိုက်လတ်ငလျင်ကြောင့် ရန်ကုန်မြို့၊ ကျိုက်လတ်မြို့၊ ဒေးဒရဲမြို့တို့တွင် ထိခိုက်ပျက်စီးမှုသတင်းမရရှိသေးပေ။
ဧရာဝတီတိုင်းတွင် ၂၀၂၃ ခုနှစ် ဇွန်လ ၇ရက်က မအူပင်မြို့၍ ရစ်ခ်ျတာစကေး ၄ မှ ၅အတွင်းအင်အားရှိ ငလျင်လေးကြိမ်လှုပ်ခဲ့ပြီး သုံးဦးသေဆုံးခဲ့ပြီး အဆောက်အအုံအချို့ ပျက်စီးခဲ့သည်။
