သတိုး/People’s Spring
ရန်ကုန်မြို့၊ စမ်းချောင်းမြို့နယ်၌ မွေ့ယာပေါ်တွင် ပါဝါဘန့်အားသွင်းရာမှ အပူလွန်ကဲပြီး မီးလောင်မှုဖြစ်စဉ်အတွင်း အမျိုးသားတစ်ဦးသေဆုံးခဲ့ကြောင်း မီးသတ်တပ်ဖွဲ့က ထုတ်ပြန်ထားသည်။
ဒီဇင်ဘာ ၇ ရက် နံနက် ၃ နာရီအချိန်ခန့်တွင် စမ်းချောင်းမြို့နယ် အောင်ချမ်းသာရပ်ကွက်၊ သီရိမင်္ဂလာလမ်းရှိ တိုက်ခန်းတစ်ခုတွင် မီးလောင်မှုဖြစ်ခဲ့ခြင်းဖြစ်ပြီး လူတစ်ဦးသေဆုံးသွားကြောင်း ယင်းနေရာသို့ သွားရောက်ကူညီခဲ့သည့် လူမှုကူညီရေးအသင်းမှ တာဝန်ရှိသူတစ်ဦးက ပြောသည်။
“အနောက်ပိုင်းခရိုင်မီးသတ်စခန်း၊ အလုံမြို့နယ် မီးသတ်စခန်း၊ စမ်းချောင်းမြို့နယ်မီးသတ်စခန်းမှ မီးသတ်ယာဉ်အုပ်စုများနှင့်အတူ စမ်းချောင်းအရန်မီးသတ်မှ ရေထိုင်(မီးသတ်စက်တင်ယာဉ်)ထွက်ခွာကာ အနီးနားရှိ ကံမြင့်ကျောင်းတိုက်ငါးကန်မှ ရေယူကာ ရေမပြတ်စေရေး တိုက်ရိုက်ရေပေးစနစ်ဖြင့်ကူညီငြှိမ်းသတ်ပေးခဲ့ပါသည်။”ဟု စမ်းချောင်းမြို့နယ်အရန်မီးသတ်မှ တာဝန်ရှိသူက အသိပေးထားသည်။
Public Service Announcement
မီးလောင်မှုကို မိနစ်သုံးဆယ်ခန့်ကြာ ငြှိမ်းသတ်ခဲ့ရ ကြောင်း မီးသတ်တပ်ဖွဲ့က ထုတ်ပြန်ထားပြီး လူသေ ဆုံးမှုအပါအဝင်ဆုံးရှုံးမှူတန်ဖိုးနှင့် åပတ်သက်၍ သီးသန့်ထုတ်ပြန်ထားခြင်းမရှိပေ။
ရန်ကုန်မြို့တွင် ဝန်အားမမျှတသောကြောင့်ဟုဆိုကာ မီးခဏခဏ ပျက်နေသလို မီးအားအတတ်အကျ မမှန်သောကြောင့် လျှပ်စစ်မီးနှင့်ပတ်သက်၍ မပေါ့ဆကြရန် ပြည်သူအချင်းချင်းသတိပေးထားကြသည်။
