ရှိန်း/People’s Spring
ပြည်သူ့ကာကွယ်ရေးတပ်ဖွဲ့(PDF)တွေရှိတယ်ဆိုပြီးစစ်ကောင်စီတပ်သားတွေကြောက်လန့် လေယာဥ်ခေါ် ဗုံးကြဲခိုင်းတာကြောင့် ရှိမ်းမကားရဲစခန်းအနီးကလူမနေနဲ့ တောအုပ်ထဲကိုဇန်နဝါရီ ၁ ရက်နေ့က စစ်တပ်ကလေကြောင်းတိုက်ခိုက်သွားတယ်လို့ဒေသခံတွေကပြောပါတယ်။
စစ်ကိုင်းတိုင်း၊ဝက်လက်မြို့နယ်အရှေ့ခြမ်းကရှိမ်းမကားကျေးရွာရဲစခန်းကို PDFတွေက ညပိုင်းတွေမှာလက်နက်ချဖို့ နဲ့ စခန်းသိမ်းမယ့်အကြောင်းမကြာခဏလာအော်တာကြောင့် အဲဒီစခန်းကရဲနဲ့စစ်သားတွေက လေယာဥ်ပစ်ကူခေါ်ခဲ့တာလို့ စစ်ကောင်စီတပ်နဲ့ရင်းနှီးသူတွေဆီကသိရပါတယ်။
ဇန်နဝါရီလ၁ရက်နေ့ ညနေ၄နာရီ နဲ့ ၅နာရီဝန်းကျင်တို့မှာ ရှိမ်းမကားရွာရဲ့အနောက်ဘက်က စခန်းကုန်း နဲ့ ဖိုကုန်းရပ်ကွက်တွေ ကို မနေ့စစ်တပ်ကလေကြောင်းတိုက်ခိုက်သွားတာလို့သိရပါတယ်။
Public Service Announcement
“ပြည်သူအထိအခိုက်လည်းမရှိဘူး။ဘာမှမရှိဘူး။တိုက်ပွဲလည်းမရှိဘဲနဲ့ အလွတ်တန်းကြီးလာပစ်သွားတာ “လို့ ဝက်လက် information Networkက ကိုနဂါးလေးကပြောပါတယ်။
ဒါ့အပြင် ည၇နာရီကျော်မှာလည်း Y-12နဲ့ ရှိမ်းမကားရဲစခန်းထဲကို လက်နက်ရိက္ခာတွေလာချသွားတယ်လို့ စုံစမ်းသိရပါတယ်။
ရှိမ်းမကားရဲစခန်းဟာ ဝက်လက်မြို့နယ်အရှေ့ခြမ်းက ဧရာဝတီမြစ်ကြောင်းတလျှောက်စစ်ကောင်စီထိုင်ထားနိုင်တဲ့တခုထဲကျန်တဲ့နယ်မြေရဲစခန်းဖြစ်ပါတယ်။အဲဒီစခန်းကို တော်လှန်ရေးတပ်တွေမကြာခဏတိုက်ခိုက်တာကြောင့်လေယာဥ်ပစ်ကူအမြဲပေးနေတဲ့စခန်းလည်းဖြစ်ပါတယ်။
ရှိမ်းမကားကျေးရွာကသမိုင်းဝင်ဘေးမဲ့တောနဲ့ ရှေးဟောင်းဘုန်းကြီးကျောင်းရှိပြီး ကျေးရွာစျေးကတော့ မီးရှို့ဖျက်ဆီးခံထားရသလို ဒေသခံတွေရှောင်တိမ်းနေရတာလည်း တနှစ်ကျော်ရှိနေပြီလို့သိရပါတယ်။
