မန္တလေးတိုင်း၊ ငါးဇွန်မြို့နယ်၊ မင်းနေကုန်းရွာရဲစခန်းကို တော်လှန်ရေးတပ်တွေဝင်ရောက်တိုက်ခိုက်ခဲ့ရာမှာ စစ်အုပ်စုဘက်ကအထိခိုက်အကျဆုံးများခဲ့တယ်လို့ မြင်းခြံနဂါးနီပျောက်ကြားတပ်ဖွဲ့ ပြောရေးဆိုခွင့်ရှိသူကပြောပါတယ်။
ဇန်နဝါရီလ၂ရက်နေ့က၊မြို့သာ-နဘူးအိုင်-မြင်းခြံလမ်းပေါ်က မင်းနေကုန်းကျေးရွာရဲစခန်းကို တော်လှန်ရေးတပ်တွေကမနက် ၆နာရီကနေ ၁၀နာရီလောက်အထိ ၄နာရီခန့်အကြာတိုက်ခိုက်ခဲ့တာဖြစ်ပါတယ်။
“ရန်သူ့အတွင်းစည်းအထိတော့ဝင်နိုင်ခဲ့တယ်။အထိအခိုက်ကလည်းတော်တော်များတယ်။စခန်းကလည်းထူတယ်။လေကြောင်းပစ်ကူနဲ့ မြေပြင်စစ်ကူတွေလာတာမို့ ကျွန်တော်တို့နောက်ပြန်ဆုတ်ခဲ့ရတယ်”လို့ ပြောရေးဆိုခွင့်ရှိသူကပြောပါတယ်။
အဲဒီစခန်းမှာ စစ်ကောင်စီတပ်ကအင်အား ၄၀လောက်တပ်စွဲထားတယ်လို့သိရပါတယ်။
Public Service Announcement
“ေး(စစ်သား)တွေကတော့တော်တော်ကျတယ်။ကျွန်တော်တို့စခန်းသိမ်းခါနီးပေါ့။လေကြောင်းပစ်ကူနဲ့တပ်ကူလာတာမို့ ကျွန်တော်တို့ ပြန်ဆုတ်ခဲ့ရတာ”လို့ ပြောရေးဆိုခွင့်ရှိသူကဆက်ပြောပါတယ်။
တိုက်ပွဲမှာစစ်ကောင်စီတပ်ဘက်က ထိခိုက်သေဆုံးမှုအခြေအနေကို People’s Spring ကအတည်မပြုနိုင်သေးပါဘူး။
ဒီစခန်းတိုက်ခံရပြီးတဲ့နောက်စစ်ကားအများအပြားအဲဒီရဲစခန်းကိုရောက်လာပေမယ့် ပြန်လည်ဆုတ်ခွာသွားပြီလို့လည်းသိရပါတယ်။
၂၀၂၄ ခုနှစ်စက်တင်ဘာလ ၁ ရက်နေ့ကလည်း မြင်းခြံမြို့နယ်အတွင်းနဖူးအိုင် နဲ့ မြို့သာကြားမှာ မီးကြိုးပြင်ဖို့ လုံခြုံရေးလာပေးတဲ့ မင်းနေကုန်းရဲစခန်းမှာနေတဲ့စစ်တပ်ကို မိုင်းဆွဲတိုက်ခိုက်ခဲ့ရာမှာစစ်သား ၃ ဦးသေဆုံးခဲ့ပါသေးတယ်။
