ဘရူနိုမားစ်ရဲ့ Bonde Do Brunão သီချင်းနဲ့ အကဟာ က လင်းလင်းရဲ့ “ရောင်နီ” သီချင်းနဲ့ အပြိုင် တော်လှန်ရေးတပ်ဖွဲ့ဝင်တွေရဲ့ အောင်ပွဲခံသီချင်းဖြစ်လာနေပါတယ်။
အောက်က ရုပ်သံဖိုင်ကတော့ ဘရူနိုမာစ်ရဲ့Bonde Do Brunão သီးချင်းနဲ့အတူအောင်ပွဲခံနေတဲ့ တော်လှန်ရေးရဲဘော်တွေဖြစ်ပါတယ် ။KIA ၊ ABSDF နဲ့ KPDF ပူးပေါင်းတပ်တွေဟာ မံစီမြို့နယ်မှာနောက်ဆုံးကျန်တဲ့ ခမရ (၆၀၁) ၊ခမရ (၃၁၉) နဲ့ အမြောက်တပ် ( ၃၅၂)တို့ကို ဇန်နဝါရီလ ၈ ရက်နေ့မှာအပြီးသတ်သိမ်းပိုက်ခဲ့ပါတယ်။ တော်လှန်ရေးရဲဘော်တွေက တပ်ရင်းသုံးရင်းကိုသိမ်းပြီးတော့ ခမရ (၆၀၁) တပ်ရင်းမှူးရဲ့အိမ်ရှေ့မှာBonde Do Brunão နဲ့ကခုန်ပြီးအောင်ပွဲခံနေကြတာဖြစ်ပါတယ် ။ ဒီရုပ်သံမှတ်တမ်းကို ရဲဘော်တဦးနဲ့ ကချင်တောင်တန်းတယ်လီဂရန် ချန်နယ်လ်က ဇန်နဝါရီ ၁၀ ရက်နေ့မှာတင်ခဲ့တာပါ။
၂၀၂၄ ခုနှစ်မှာ လူမှုကွန်ယက်မှာ ရေပန်းစားလှတဲ့ Bonde Do Brunão သီးချင်းနဲ့ ပထမဆုံးမြို့သိမ်းအောင်ပွဲခံတာက ဖေစ်ဘွခ်ဆယ်လီလည်းဖြစ် ၊ဒေါက်တာလည်းဖြစ်တဲ့ အငြိမ်း နဲ့ မင်းတပ် CDF ကရဲဘော်တွေဖြစ်ပါတယ် ။
Public Service Announcement
ချင်းညီနောင်က မင်းတပ်မြို့သိမ်းတိုက်ပွဲအောင်ပွဲရအပြီးမှာ တော်လှန်ရေးရဲဘော်တွေနဲ့ ဒေါက်တာအငြိမ်း တို့ က မင်းတပ်မြို့က စစ်တပ်အထိုင်ချခဲ့တဲ့ ခလရ (၂၇၄) ၊ ရဲစခန်း ၊ဆေးရုံ ၊ဗဟိုကင်း စတဲ့နေရာတွေရှေ့မှာ ဘရူနိုမာစ်ရဲ့ ဒီသီချင်းနဲ့ပထမဆုံးအောင်ပွဲခံကခုန်နေတဲ့ရုပ်သံဖိုင်ကို ဒီဇင်ဘာ ၂၂ ရက်ညမှာ လူမှုကွန်ယက်မှာစတင်ခဲ့ကြပါတယ် ။ အဆိုပါရုပ်သံဖိုင်ဟာလည်းဖေစ်ဘွခ်လူမှုကွန်ယက်မှာလူကြိုက်များခဲ့ပါတယ် ။
နှစ်ပါတ်ကျော်ကြာတဲ့အခါ ကချင်ပြည်နယ် မံစီမြို့သိမ်းတိုက်ပွဲမှာ ရဲဘော်တွေက Bonde Do Brunão နဲ့ ထပ်မံအောင်ပွဲခံကြတာဖြစ်ပါတယ် ။
နွေဦးတော်လှန်ရေးမှာ လင်းလင်း ရဲ့ ”ရောင်နီ” သီချင်းဟာ တော်လှန်ရေးတပ်တွေ ရဲ့စခန်းသိမ်း၊မြို့သိမ်းတိုက်ပွဲတွေမှာ ဒီနောက်ပိုင်း အောင်ပွဲခံသီချင်း ၊စိတ်ဓါတ်တက်ကြွစရာသီချင်းဖြစ်ခဲ့ပါတယ် ။အခုအခါမှာတော့ ကမ္ဘာကျော် ဘရူနိုမားစ်ရဲ့ Bonde Do Brunãoသီးချင်းပါထပ်တိုးလာတာပါ ။
စာသားရော ၊သံစဥ်ရော ခွန်အားတွေပေးတာမို့ နာမည်ကြီးတဲ့ ”ရောင်နီ ” တေးသီးချင်း သီဆိုဖန်တီးသူ လင်းလင်းက တော်လှန်ရေးရဲဘော်တွေ ၊ပြည်သူတွေ “ရောင်နီ” သီချင်းကြိုက်နှစ်သက်ကြတဲ့အတွက် ဂုဏ်ယူတယ်လို့ လူထုနွေဦးနဲ့ သီးသန့်အင်တာဗျူးမှာပြောကြားထားပါတယ်။
နွေဦးတော်လှန်ရေးအစောပိုင်းမှာ ကရင်ပြည်နယ် မှာကော်ဘရာစစ်ကြောင်း လက်စွမ်းပြခဲ့တဲ့တိုက်ပွဲတွေနဲ့အတူ တေးဆို နီလာလွင်(မန္တလေး) သီဆိုတဲ့ “ရေစက်ချလို့ပြီးပါပြီ” သီးချင်းက တော်လှန်ရေးတပ်တွေရဲ့စခန်းသိမ်းတိုက်ပွဲ ရုပ်သံတွေမှာအသုံးပြုတဲ့သီချင်းအဖြစ်ရေပန်းစားခဲ့ပါသေးတယ်။
ရုပ်သံ-မင်းထက် FB
