မန္တလေးတိုင်း၊ စဉ့်ကူးမြို့လည်ခေါင်က ပြည်သူ့ဆေးရုံကို စစ်ကောင်စီက မနေ့ကညပိုင်းမှာ လေကြောင်းတိုက်ခိုက်ခဲ့ရာ မိခင်နဲ့ကလေးစောင့်ရှောက်ရေးအဆောက်အဦး သုံးလုံးပျက်စီးသွားတယ်လို့ ဒေသခံတွေက ပါတယ်။
မနေ့ည ၁၂နာရီကျော်မှာ တံတားဦးလေတပ်ကနေ စဉ့်ကူးမြို့ထဲက ဆေးရုံကို ဗုံးကြဲခဲ့တာလို့ သိရပါတယ်။
” တော်လှန်ရေးတပ်တွေနေတယ်လို့ သတင်းပေါက်တယ်လို့ ပြောတယ်။အဲတာကြောင့်ကြဲတာလို့ကြားတာပဲ “လို့ ဒေသခံတစ်ဦးက ပြောပါတယ်။
Public Service Announcement
လေကြောင်းတိုက်ခိုက်မှုကြောင့် မိခင်နဲ့ကလေးဆေးရုံအဆောက်အဦး သုံးလုံးပျက်စီးသွားပြီး ပြည်သူအထိခိုက်မရှိဘူးလို့ သက်ဆိုင်ရာနယ်မြေသတင်းတာဝန်ခံက ပြောပါတယ်။
မန္တလေးပြည်သူ့ကာကွယ်ရေးတပ်(MDY-PDF)ကလည်း စစ်ကောင်စီတပ်က စဥ့်ကူးမြို့ပေါ်ကပြည်သူ့ဆေးရုံကို လေကြောင်းတိုက်ခိုက်ခဲ့ကြောင်းထုတ်ပြန်ထားပါတယ်။ ယခုဆေးရုံဟာ တိုက်ပွဲဖြစ်နေတဲ့နေရာတွေနဲ့ အလှမ်းကွာဝေးပြီး စစ်တပ်က အကြောင်းမဲ့သက်သက် အများပြည်သူနဲ့သက်ဆိုင်တဲ့ မြို့နယ်ပြည်သူ့ဆေးရုံကိုလေကြောင်းတိုက်ခိုက်ခဲ့တာလို့ ထုတ်ပြန်ထားပါတယ်။
စဉ့်ကူးပြည်သူ့ဆေးရုံကို စစ်ကောင်စီလေကြောင်းတိုက်ခိုက်ပြီးနောက် အပျက်အစီးများ။ ဓာတ်ပုံ – MDY-PDF စဉ့်ကူးပြည်သူ့ဆေးရုံကို စစ်ကောင်စီလေကြောင်းတိုက်ခိုက်ပြီးနောက် အပျက်အစီးများ။ ဓာတ်ပုံ – MDY-PDF စဉ့်ကူးပြည်သူ့ဆေးရုံကို စစ်ကောင်စီလေကြောင်းတိုက်ခိုက်ပြီးနောက် အပျက်အစီးများ။ ဓာတ်ပုံ – MDY-PDF စဉ့်ကူးပြည်သူ့ဆေးရုံကို စစ်ကောင်စီလေကြောင်းတိုက်ခိုက်ပြီးနောက် အပျက်အစီးများ။ ဓာတ်ပုံ – MDY-PDF
ဒါ့အပြင် စစ်တပ်ဟာ ယခုရက်ပိုင်းအတွင်းပြည်သူ့ဆေးရုံတွေကို ဦးတည်တိုက်ခိုက်နေပြီး စစ်တပ်တတပ်အနေနဲ့ ဂုဏ်သိက္ခာအကင်းမဲ့ဆုံး စစ်ရာဇဝတ်မှုတွေကိုပြောင်ပြောင်တင်းတင်းကျူးလွန်နေတယ်လို့ ထုတ်ပြန်ထားပါတယ်။
အလားတူ တောင်သာမြို့နယ်၊ဇရက်ကြီးကျေးရွာကိုလည်း မနေ့ည ၁၀နာရီလောက်က စစ်ကောင်စီက ပေါင်၅၀၀နဲ့ ဗုံးကြဲတိုက်ခိုက်ရာမှာ နေအိမ် တစ်လုံးပျက်စီးခဲ့တယ်လို့ သိရပါတယ်။
ယခုရက်ပိုင်းအတွင်း စစ်ကောင်စီက နေရာအနှံ့လေကြောင်းတိုက်ခိုက်တာတွေပြုလုပ်နေပြီး စစ်ကိုင်းတိုင်း၊ မြိုင်မြို့နယ်မှာလည်း မနေ့ကလေကြောင်းတိုက်ခိုက်မှုအတွင်း ပြည်သူ တစ်ဦးသေဆုံးပြီး ခြောက်ဦး ထိခိုက်ဒဏ်ရာရခဲ့ပါတယ်။
