မန္တလေးတိုင်း ၊ မတ္တရာမြို့ ရဲ့အနောက်တောင်ဘက် ဧရာဝတီမြစ်ဘေးအနီးက ဘိုကုန်းကျေးရွာ မနေ့ ဖေဖော်ဝါရီ ၁၆ ရက်မနက်ပိုင်းက လက်နက်ကြီးနဲ့ပစ်ခတ်ခံရပြီး ဒေသခံ အချို့ ထိခိုက်သေဆုံးမှု ရှိတယ်လို့စုံစမ်းသိရပါတယ်။
မနေ့ မနက်ပိုင်း ၉ နာရီ ခန့်က လက်နက်ကြီးနဲ့ ပစ်ခတ်ခံရတာဖြစ်ပြီး ဘိုကုန်းရွာဒေသခံ အမျိုးသမီး တစ်ဦး သေဆုံးကာ အခြားအမျိုးသမီး တစ်ဦးထိခိုက်ဒဏ်ရာရတယ်လို့ မတ္တရာမြို့ခံ တော်လှန်ရေး တပ်ဖွဲ့ဝင်တစ်ဦးဆီကသိရတာပါ။
သေဆုံးသူအမျိုးသမီး နဲ့ ဒဏ်ရာရအမျိုးသမီး တို့ဟာ လူလတ်ပိုင်းအရွယ်လို့ ကနဦးသိရပြီး အသေးစိတ်အချက်အလက်ကိုတော့ မသိရသေးပါဘူး။
Public Service Announcement
လက်နက်ကြီးနဲ့ ပစ်ခတ်ခံရတဲ့ ဘိုးကုန်းရွာမှာ တိုက်ပွဲ ဖြစ်ပွားတာမရှိဘူးလို့သိရပါတယ်။
ဒီပစ်ခတ်မှုကိုတော့ မတ္တရာမြို့ပေါ် ဘောလုံးကွင်း ထဲမှာ အထိုင်ချထားတဲ့ စစ်တပ်က နေ ပစ်ခတ်တာလို့ မြို့ခံ တော်လှန်ရေးတပ်ဖွဲ့ဝင်က အသိပေးပါတယ်။
