'/%3E%3C/svg%3E){kind=small}
ဧပြီ ၁၂၊၂၀၂၅။ဇော်ရမ်း/People’s Spring
စစ်ကိုင်းတိုင်း၊ ဒီပဲယင်းမြို့ရှိ ကြခတ်ကျေးရွာဘုန်းကြီးကျောင်းကို ယနေ့(ဧပြီ ၁၂ရက်) ညနေ ၂နာရီ ၁၅မိနစ်က စစ်ကောင်စီက လေကြောင်းမှ တိုက်ခိုက်ရာ ကိုရင်သုံးပါးအပါအဝင် သေဆုံးသူ ၅ဦးရှိပြီး ဒဏ်ရာရသူ ခြောက်ဦးကို အရေးပေါ် ဆေးကုသနေရကြောင်း သတင်းရရှိသည်။
” ကိုရင်က သုံးပါးပျံလွန်ပါတယ်။ ဘုန်းကြီးကျောင်းသား ကလေးတစ်ဦးနဲ့ အခါတွင်း ဥပုသ်လာစောင့်သူ တစ်ဦးသေဆုံးတာပါ။ ရက်စက်လွန်းတယ်ဗျ”ဟု ဒေသခံတစ်ဦးက ပြောသည်။
တိုက်ခိုက်မှုကြောင့် သင်္ကြန်တွင်း ဥပုသ်သီလယူရန်ရောက်ရှိနေသော သက်ကြီးရွယ်အိုများ ထိခိုက်သေဆုံးမှုရှိခဲ့သည်ဟု ဒီပဲယင်းပကဖက ထုတ်ပြန်ထားသည်။ ဒဏ်ရာရသူ ၆ဦးကိုလည်း ဆေးကုသနေရကြောင်း သတင်းရရှ်ိသည်။
Public Service Announcement
မတ်လ ၂၈ရက် ငလျင်လှုပ်ပြီးနောက် စစ်ကောင်စီက အပစ်ရပ်ကြေညာထားသော်လည်း ဧပြီ ၁၁
ရက်အထိ လေကြောင်းနှင့် လက်နက်ကြီးတိုက်ခိုက်မှု ၁၀၂ကြိမ်ပြုလုပ်ခဲ့ပြီး ပြည်သူ ၁၁၁ဦးသေဆုံးကာ ၁၃၂ဦးဒဏ်ရာရခဲ့ကြောင်းအမျိုးသားညီညွတ်ရေးအစိုးရက ယနေ့(ဧပြီ ၁၂ရက်) ထုတ်ပြန်ထားသည်။
