မေ ၁၆၊၂၀၂၅။ သုည/People’s Spring
တောင်ကိုရီးယားနိုင်ငံ၊ ဆိုးလ်မြို့ မြောင်းဒုံစျေး၌ အဆိုပါနိုင်ငံရောက်မြန်မာအချို့က စစ်တပ်၏ လူ့အခွင့်ရေးချိုးဖောက်နေမှုအပေါ် ရှုတ်ချသည့်ဆန္ဒပြမှုကို ယနေ့ (မေလ ၁၆) ပြုလုပ်ခဲ့သည်။
ယင်းဆန္ဒပြလှုပ်ရှားမှုကို တောင်ကိုရီးယားနိုင်ငံရှိ မြင်းခြံ GZအဖွဲ့၊ Myanmar Youth Activists ၊ ဗိုလ်သံချောင်းထောက်ပို့အဖွဲ့မှ ဦးဆောင်ပြီး Yaw-Funding-ကိုရီးယား၊ ကြောက်ခေတ်ကိုမှောက်ပြစ်မယ် ညီနောင်များ၊ အသောကသုခအဖွဲ့-ဂူမိီအဖှဲ့၊ လင်းထက်အောင်(ပြည်သူ့ရင်ခွင်)နှင့် ကျောင်းသား၊လူငယ်တော်လှန်ပြည်သူများ လာရောက်ပူးပေါင်းခဲ့ကြသည်။
ဆန္ဒပြသူများက လတ်တလောတွင် စစ်ကောင်စီက လေကြောင်းမှဗုံးကြဲသတ်ဖြတ်သည့် စစ်ကိုင်းတိုင်း၊ ဒီပဲယင်းမြို့နယ် အိုးတိန်တွင်းကျေးရွာစာသင်ကျောင်း ပညာသင်ကြားနေသည့်ကလေးငယ်များအား သတ်ဖြတ်မှု၊ ရခိုင်ပြည်နယ်၊ ရသေ့တောင်မြို့နယ် ထွန်းရဝေကျေးရွာနေပြည်သူနေအိမ်နှင့် ကလေးငယ်များအား လေကြောင်းမှ ဗုံးကြဲသတ်ဖြတ်မှု၊ ဗန်းမော်တိုက်ပွဲအတွင်း ကျဆုံးခဲ့သည့်ရဲဘော်များ၊ မြင်းခြံခရိုင်အတွင်းကျဆုံးခဲ့သည့်ရဲဘော်များအား လူမဆန်စွာသတ်ဖြတ်မှုစသည့် အကြမ်းဖက် စစ်တပ်၏ လူ့အခွင့်ရေးချိုးဖောက် နေမှုအပေါ် ဆန့်ကျင်ကြောင်း ဆန္ဒထုတ်ဖော်ခဲ့ကြသည်။
Public Service Announcement
