မေ ၃၁၊၂၀၂၅။ သုည/People’s Spring
စစ်ကိုင်းတိုင်းအတွင်း သပိတ်အဖွဲ့တွေ၊ ဒေသခံပြည်သူတွေက ဒီကနေ့ (မေလ ၃၁)မှာ စစ်ရာဇဝတ်မှုတွေ ကျူးလွန်နေတဲ့ စစ်ကောင်စီကို အရေးယူပေးဖို့ ဆန္ဒထုတ်ဖော်မှုတွေ အသီးသီး ပြုလုပ်ခဲ့ကြပါတယ်။
စစ်ကိုင်းတိုင်း ဆားလင်းကြီးမြို့နယ်မှာ ၅/ဆလကလူထုသပိတ်စစ်ကြောင်းက လူသားမဆန်သော စစ်ရာဇဝတ်မှုတွေကိုကျူးလွန်နေတဲ့ စစ်ကောင်စီကို အရေးယူပေးနိုင်ဖို့ “Voet lLo Article 33 to Save Llves” စာသားနဲ့ လှုပ်ရှားမှုဖော်ဆောင်ခဲ့ပါတယ်။
ယင်းမာပင်မြို့နယ်မှာလည်း စစ်ရာဇဝတ်မှုတွေကျူးလွန်နေသည့် စစ်ကောင်စီကို အရေးယူပေးရေး ကယ်တင်ရှင်မရှာ ဒို့ကျေးရွာ သပိတ် စစ်ကြောင်းနဲ့ ပြည်သူတွေက ဒီနေ့ညနေမှာ ချီတက်ဆန္ဒပြခဲ့ပါတယ်။
Public Service Announcement
ဆန္ဒပြပွဲမှာ “Vote ILO Article 33 to save LIVES” စာသားကို ကိုင်ဆောင်ပြီး စစ်အာဏာရှင်ဆန့်ကျင်ရေးကြွေးကြော်သံတွေ ဟစ်ကြွေးခဲ့ပါတယ်။
ကလေးမြို့နယ်မှာလည်း ပင်မသပိတ်အင်အားစုက အပြည်ပြည်ဆိုင်ရာအလုပ်သမားအဖွဲ့အစည်းရဲ့ ပုဒ်မ (၃၃)အရ စစ်ကောင်စီကို ချက်ချင်းအရေးယူနိုင်ဖို့ လူထုလှုပ်ရှားမှု ပြုလုပ်ခဲ့ပြီး “ILO implement Article 33 On Myanmar Now 2025” စာတန်းနဲ့ တောင်းဆိုမှုတရပ်ကို ပြုလုပ်ခဲ့ပါတယ်။
လက်ပံတောင်းတောင်ဒေသမှာလည်း လူထုသပိတ်ဦးဆောင်ပြီး ပြည်သူတွေနဲ့အတူ “Vote ILO Article 33 to save LIVES” စာသား ကိုင်ဆောင်ပြီး စစ်အာဏာရှင်ဆန့်ကျင်ရေးကြွေးကြော်သံတွေနဲ့ လူထုလှုပ်ရှားမှု ပြုလုပ်ခဲ့ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ကလေးမြို့နယ်လူထုသပိတ်
