ဇူလိုင်-၁၄၊၂၀၂၅။ဇော်ရမ်း/People’s Spring
စစ်ကိုင်းတိုင်းကျွန်းလှမြို့ကိုစစ်ကောင်စီက ယနေ့ ညနေ ၃နာရီ ၄၀မိနစ်ခန့်တွင် စစ်ကောင်စီက ဂျက်ဖိုက်တာဖြင့် လေကြောင်းမှ ဗုံးကြဲသွားသည်။
ကောလင်းနှင့်ကျွန်းလှမြိုကြားရှိ အင်းယားရှည်ရွာ အနီးကို စစ်ကောင်စီက ဇူလိုင်လ ၁၄ရက်ရက် ညနေပိုင်းတွင်၀လေကြောင်းမှတိုက်ခိုက်သွားခြင်းဟု ကောလင်းခရိုင်တပ်ရင်း(၂)က သတင်းထုတ်ပြန်ထားသည်။
“တိုက်ပွဲလုံးဝမဖြစ်ပါဘူးဗျ။ဒီတိုင်းကြီးရုတ်တရက်လာပစ်သွားတာ။ ဗုံးကြဲခံရတဲ့နေရာကို သွားဖို့တော်တော်ဝေးပါတယ်။အထိအခိုက်သတင်းမသိရသေးဘူး”ဟုကောလင်းမြို့မှ ကာကွယ်ရေးရဲဘော်တစ်ဦးကပြောသည်။
Public Service Announcement
တံတားဦးဘေတပ်မှတက်လာသော တိုက်လေယာဥ်တစ်စီးဖြင့် ကျွန်းလှမြို့နယ်အနောက်ခြမ်းတစ်နေရာအား လေကြောင်းတိုက်ခိုက်ခဲ့ခြင်းဖြစ်သည်ဟုကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ ကလည်းထုတ်ပြန်ခဲ့သည်။
စစ်ကောင်စီသည်ဇူလိုင်လ၆ရက်နေ့ကလည်းကျွန်းလှမြို့နယ်အတွင်းကိုစစ်ကောင်စီက ဗုံးကြဲခဲ့ရာရေနံချက်ဖို တစ်ဖို ၊ရေနံပေပါများ ၊ကားနှင့်ဆိုင်ကယ်များပျက်စီးခဲ့သည်။
ထိုအပြင်ဇွန်လ ၂၀ရက်ကလည်း ကျွန်းလှမြို့နှင့်ဆက်စပ်နေသော ကောလင်းနှင့် ပင်လည်ဘူးမြို့တို့ကို လေကြောင်းမှ ဗုံးကြဲတိုက်ခိုက်ရာ CDM ဆရာမတစ်ဦးသေဆုံးပြီး ကလေးငယ်များအပါအဝင် ဆယ်ဦးထက်မနည်း ဒဏ်ရာရခဲ့သည်။
