ဇန်နဝါရီ-၂၂၊၂၀၂၆။မိထက်/People’s Spring
မကွေးတိုင်း၊ အောင်လံမြို့နယ်မှာ အလှူမဏ္ဍပ် လုပ်ထားတဲ့နေရာကို စစ်ကောင်စီက လေကြောင်းကနေ ဗုံးကြဲသွားလို့ လသားအရွယ်ကလေးငယ်တစ်ဦးအပါအဝင် ဒေသခံ သုံးဦးသေဆုံးပြီး ခုနစ်ဦးထက်မနည်း ဒဏ်ရာရ သွားပါတယ်။
အောင်လံမြို့နယ် တပ်ကုန်းကျေးရွာက ဒေသခံရဲ့ အလှူမဏ္ဍပ်ကို ဒီကနေ့(ဇန်နဝါရီ၂၂ရက်) မွန်းလွဲ ၂နာရီခန့်မှာ စစ်ကောင်စီက ဂျက်ဖိုက်တာနဲ့ ဗုံးကြဲသွားတာဖြစ်ပါတယ်။
“အလှူမဏ္ဍပ်ကို တည့်တည့်ကြဲတာပါ။ တပ်ကုန်းကျေးရွာက အောင်လံမြို့နယ်ရဲ့အရှေ့ဘက်မှာရှိတာပါ။ မင်္ဂလာဆောင် လုပ်မယ့်မဏ္ဍပ်လို့လည်းသိရတယ်။ တခြားရွာကလူတွေလည်းကြိုရောက်နေတာမို့ အထိအခိုက်တွေများတယ်”လို့ အောင်လံမြို့ခံတစ်ဦးက ပြောပါတယ်။
Public Service Announcement
စစ်ကောင်စီရဲ့လေကြောင်းတိုက်ခိုက်မှုနဲ့အရပ်သားသေဆုံးမှုသတင်းကို ကြားသိထားပေမယ့် အသေးစိတ်အခြေအနေမသိရှိရသေးဘူးလို့ သရက်မြို့နဲ့ မင်းဘူးမြို့ကပြည်သူ့ကာကွယ်ရေးရဲဘော်အချို့ကဘပြောပါတယ်။
အောင်လံမြို့နယ်မှာ ၂၀၂၆ ဒီဇင်ဘာ ၁၂ရက် ညကလည်း အမှတ်(၁၅) ကာကွယ်ရေးပစ္စည်းစက်ရုံ(ကပစ-၁၅)ကနေ လက်နက်ကြီးနဲ့ပစ်ခတ်လို့ ဒေသခံ လေးဦး သေဆုံးခဲ့ပါတယ်။
