ဇူလိုင်-၁၉၊ ၂၀၂၅။ ကျော်ဇော/People’s Spring
မကွေးတိုင်း၊ ငဖဲမြို့နယ်မှာရှိတဲ့ နောင်ကျေးရွာပေါ်ကို စစ်ကောင်စီလေ ကြောင်းရန်ကာကွယ် ရေးတပ်နတ်ရေကန် (ဗျူဟာ)မှတိုက်ပွဲမရှိဘဲ ဒရုန်းနဲ့ ဗုံးကြဲခဲ့တာကြောင့် အဖွားအိုတဦးသေဆုံးပြီးတဦးထိခိုက်ဒဏ်ရာရခဲ့တယ်လို့ ဒေသအခြေစိုက် ချင်းကာကွယ်ရေးတပ်-အရှို(CDF-Asho)မှ တာဝန်ရှိသူတစ်ဦးက ပြောပါတယ်။
ဇူလိုင် ၁၈ ရက်မနက် ၁၁ နာရီခွဲလောက်က တောင်ပေါ်ကျေးရွာတစ်ရွာဖြစ်တဲ့ နောက်ကျေး ရွာကို စစ်ကောင်စီတပ်ကဒရုန်းအသုံးပြုပြီးဗုံးသီးနှစ်လုံးကြဲချခဲ့တာကြောင့် အသက် ၈၈ နှစ်အ ရွယ်အမျိုးသမီးကြီးတစ်ဦးသေဆုံး၍ ၂၀ နှစ်အရွယ်အမျိုးသမီးတစ်ဦး ထိခိုက်ဒဏ်ရာရခဲ့ပါတယ်။
စစ်ကောင်စီတပ်က ဒရုန်းနဲ့ဗုံးကြဲလို့ ထိခိုက်ပျက်စီးသွားတဲ့ နောင်ကျေးရွာမှ နေအိမ်တစ်လုံးကို တွေ့ရစဥ်(ဓာတ်ပုံ – CDF-Asho စစ်ကောင်စီတပ်က ဒရုန်းနဲ့ဗုံးကြဲလို့ ထိခိုက်ပျက်စီးသွားတဲ့ နောင်ကျေးရွာမှ နေအိမ်တစ်လုံးကို တွေ့ရစဥ်(ဓာတ်ပုံ – CDF-Asho စစ်ကောင်စီတပ်က ဒရုန်းနဲ့ဗုံးကြဲလို့ ထိခိုက်ပျက်စီးသွားတဲ့ နောင်ကျေးရွာမှ နေအိမ်တစ်လုံးကို တွေ့ရစဥ်(ဓာတ်ပုံ – CDF-Asho စစ်ကောင်စီတပ်က ဒရုန်းနဲ့ဗုံးကြဲလို့ ထိခိုက်ပျက်စီးသွားတဲ့ နောင်ကျေးရွာမှ နေအိမ်တစ်လုံးကို တွေ့ရစဥ်(ဓာတ်ပုံ – CDF-Asho
“၂ လုံး ချတာမှာ ၁ လုံး အိမ်အပေါ်တည့်တည့်ကျပြီး ၁ လုံးက ရွာအပြင်ဘက် ကျပါတယ်”လို့ ချင်းကာကွယ်ရေးတပ်-အရှိုမှ တာဝန်ရှိသူက လူထုနွေဦးကို ပြောပါတယ်။
Public Service Announcement
ဒရုန်းနဲ့ဗုံးကြဲခံရတဲ့ နောင်ကျေးရွာဟာ စစ်ကောင်စီလေကြောင်းရန်ကာကွယ်ရေးတပ် နတ်ရေကန်(ဗျူဟာ)နဲ့ မီတာ ၃,၀၀၀ ခန့်အကွာမှာတည်ရှိပြီးငဖဲမြို့ပေါ်နဲ့ဆိုရင်လည်း အလှမ်းဝေးတဲ့ကျေးရွာတစ်ရွာဖြစ်တယ်လို့ သိရပါတယ်။
ဒါ့အပြင် အဲဒီ နောင်ကျေးရွာဟာ အိမ်ခြေ ၁၀၀ ဝန်းကျင်သာရှိတဲ့ တောင်ပေါ်ရွာလေးတစ်ရွာဖြစ်ပြီး ချင်းတိုင်းရင်းသားအများစုနေထိုင်တယ်လို့ ချင်းကာကွယ်ရေးတပ်-အရှိုထံမှ စုံစမ်းသိရပါတယ်။
လက်ရှိမှာ ငဖဲမြို့နယ်အခြေစိုက် စစ်ကောင်စီရဲ့ နတ်ရေကန်(ဗျူဟာ)မှ စစ်ကောင်စီတပ်တွေနဲ့ တော်လှန်ရေးတပ်ဖွဲ့တွေကြား မကြာခဏတိုက်ပွဲဖြစ်ပွားတာမျိုးရှိနေပေမယ့် အဲဒီဗျူဟာကုန်းကို စစ်ကောင်စီဘက်က ဆက်လက်ထိန်းချုပ်ထားနိုင်ဆဲဖြစ်ပါတယ်။
