သြဂုတ်-၁၊၂၀၂၅။ဇေအောင်/People’s Spring
စစ်ကိုင်းတိုင်း၊ချောင်းဦး နဲ့ မုံရွာမြို့နယ်မှာစစ်ကောင်စီတပ်က ပါရာမိုတာ စက်တပ်လေထီးနဲ့ ဗုံးကြဲတိုက်ခိုက်လို့ပြည်သူလေးဦးဒဏ်ရာရပြီး စိုးရိမ်ရကြောင်း ဒေသခံတွေက ပြောပါတယ်။
သြဂုတ် ၁ ရက် မနက် ၉ နာရီ နာရီခွဲခန့်ကနေမနက် ၁၁ နာရီခန့်အတွင်း မုံရွာမြို့နယ်၊ တောင်ဘက်ခြမ်းနဲ့ ချောင်းဦးမြို့နယ် အနောက်မြောက်ခြမ်းနေရာတွေကို စစ်တပ်က ပါရာမိုတာ (ခေါ်) စက်တပ်လေထီးနဲ့ ဗုံးကြဲတိုက်ခိုက်ခဲ့ပါတယ်။ဗုံးကြဲတိုက်ခိုက်မှုကြောင့် ချောင်းဆုံရွာက ပြည်သူ၂ဦး၊ ရွှေဒါးကျရွာက ပြည်သူ၂ဦး စိုးရိမ်ဒဏ်ရာများ ရရှိသွားကြောင်း ဒေသခံတွေက ပြောပါတယ်။
တိုက်ပွဲဖြစ်ပွားခြင်းမရှိဘဲ ပါရာမိုတာက လာဗုံးကြဲခဲ့တာဖြစ်ကြောင်းမုံရွာနယ်က လမ်းအခြေအနေတွေကင်းထောက်ပေးနေတဲ့ Monywa Roads Information-MRI အဖွဲ့က အဖွဲ့ဝင်တဦးက ပြောပါတယ်။
Public Service Announcement
“မုံရွာဘက်ကတိုက်ခိုက်မှုကအိမ်ရဲ့အနောက်ဘက်လို့သိရပြီး ထိခိုက်သူ၂ယောက်က အသက်၆၆နှစ်နဲ့၄၇အရွယ်အမျိုးသား၂ယောက်လို့သိရပါတယ်”လို့ အထက်ပါအဖွဲ့ဝင်က ပြောပါတယ်။
အဲဒီပါရာမိုတာဟာ မုံရွာအနောက်မြောက်တိုင်း စစ်ဌာနချုပ်(နမခ)ထဲကနေ တက်လာတာဖြစ်တယ်လို့ဒေသခံတွေဆီက သိရပါတယ်။
ဇူလိုင်၂၉ ရက်နေ့ကလည်း စစ်ကောင်စီတပ်က လက်နက်ကြီးနဲ့ရမ်းသမ်းပစ်ခတ်လို့ ချောင်းဦးမြို့နယ်၊ကျီကုန်းရွာထဲကျရောက်ပြီးကလေးတစ်ဦးနဲ့အမျိုးသမီးတစ်ဦးတို့သေဆုံးခဲ့ပါသေးတယ်။
