သီပေါမြို့ကို စစ်ကောင်စီ ဗုံးကြဲ

သြဂုတ်-၃၊၂၀၂၅။လူအေး/People’s Spring

ရှမ်းပြည်နယ်မြောက်ပိုင်းသီပေါမြို့ကိုစစ်တပ်က ယနေမွန်းလွဲ ၂နာရီခွဲခန့်တွင်လေကြောင်းမှဗုံးကြဲခဲ့သည်။

မြို့ပေါ်ရပ်ကွက်ကို ကြဲခြင်းမဟုတ်ဘဲမြို့ပြင်ဘက်ကို ဗုံးသုံးလုံးကြဲခြင်းဟု ဒေသခံတဦးက ပြောသည်။

TNLA ထိန်းချုပ်ထားသည်မြို့နယ်များကို မကြာခဏ ဗုံးကြဲနေသည့်စစ်အုပ်စုက ပြည်သူ ၁၂ ဦး​သေဆုံးပြီး အများအပြားဒဏ်ရာရ​အောင်ဩဂုတ်လ ၂ရက်က မိုးကုတ်မြို့ကို ဗုံးကြဲပြီးနောက်တနေ့တွင် သီပေါမြို့ကိုပါဗုံးကြဲခြင်းဖြစ်သည်။

Public Service Announcement

သြဂုတ်မွန်းလွဲ ၂နာရီ ၃၀မိနစ် မှ ၂နာရီ ၄၀ မိနစ်အတွင်း ဗုံးသုံးလုံးကြဲသွားခြင်းဖြစ်ပြီးနောက်ထပ်လေကြောင်းပျံသန်းလာသည့်သတင်းရရှိထားကြောင်း ဒေသခံတစ်ဦးကပြောသည်။ထိခိုက်ပျက်စီးမှုအခြေအနေကိုလက်တလော၌မသိရှိရသေးပေ။

သီ​ပေါမြို့ကို TNLA ဦး​ဆောင်သည့်ပူး​ပေါင်းတပ်များက ၂၀၂၄ သြဂုတ်လတွင် သိမ်းပိုက်နိုင်ပြီး တမြို့နယ်လုံးရှိ စစ်တပ်စခန်းများအားလုံးကို ၂၀၂၄ ​အောက်တိုဘာလတွင်အပြီးသတ်သိမ်းပိုက်နိုင်ခဲ့ခြင်းဖြစ်သည်။

သီပေါမြို့သည် ကျောက်မဲမြို့နှင့်အတူ မန္တ​လေး-မူဆယ်ကုန်သွယ် ရေးလမ်းကြောင်းပေါ်၌ တဆက်တည်းရှိပြီး ပြီးခဲ့သည့် ဇူလိုင်လကလည်း စစ်ကောင်စီက ဗုံးကြဲတိုက်ခိုက်၍ အရပ်သားထိခိုက်သေဆုံးမှုများရှိခဲ့သည်။

စစ်ကောင်စီသည် ၂၀၂၅ ခုနှစ် ဇွန်၊ ဇူလိုင်ကာလအတွင်း နောင်ချို၊ ကျောက်မဲ၊ သီပေါ၊ ကွတ်ခိုင်၊ မိုင်းလုံ၊ မိုင်းငေါ့၊ မိုးကုတ် မြို့များရှိနေအိမ်၊ ဈေး၊ စာသင်ကျောင်း၊ ဟိုတယ်၊ တည်းခိုခန်း စသည့်ပြည်သူလူထု နေထိုင်သွားလာလှုပ်ရှားရာ နေရာများကို ဦးတည်ပြီး တိုက်လေယာဉ်များ၊ လက်နက်ကြီးများဖြင့်အင်အားပြင်းဗုံးများနေ့စဉ်ရက်ဆက် ကြဲချချနေသည်ဟု TNLAက ထုတ်ပြန်ထားသည်။ထ်ိုစစ်ရာဇဝတ်မှု ကျူးလွန်သည့် လုပ်ရပ်ဆိုးများကို အမြန်ဆုံး ရပ်တန့်ရန်အတွက် ကူညီဆောင်ရွက်ပေးရန် ကုလသမဂ္ဂ၊ တရုတ်ပြည်သူ့သမ္မတနိုင်ငံအပါအဝင် နိုင်ငံတကာအား TNLAက တိုက်တွန်းထားသည်။