သြဂုတ် ၄၊၂၀၂၅။ သုည/People’s Spring
ကချင်ပြည်နယ်၊ဖားကန့်မြို့နယ်၊လုံးခင်းကျေးရွာအောက်ဈေးအတွင်း ယနေ့ (သြဂုတ် ၄) နံနက်က လုံးခင်းအုပ်စုသပိတ်က ဦးဆောင်ပြီး စစ်အာဏာရှင်ဆန့်ကျင်ရေးဆန္ဒပြခဲ့ကြသည်။
လုံးခင်အုပ်စုသပိတ်ဦးဆောင်သူကလူထုတော်လှန်ရေး ဆောင်ရွက်နေခြင်းသည် လူမျိုးရေးဘာသာရေးကို အခြေခံခြင်းမရှိဘဲ ပြည်သူလူထုအား နှစ်များစွာ အကြမ်းဖက်ဖိနှိပ်ခဲ့သည့် အာဏာရှင်စနစ်ဆိုးအား တော်လှန်နေခြင်းဖြစ်ကြောင်း၊ အာဏာရူး အကြမ်းဖက်စစ်တပ်နှင့်အပေါင်းပါ ပြည်သူ့စစ်၊ SNA တို့က လူမျိုးရေးအသွင်ဆောင်သည့် ဖိနှိပ်မှုများ ဆောင်ရွက်နေခြင်းကို ဆန့်ကျင်ကြောင်း ဆန္ဒထုတ်ဖော်ခဲ့သည်။
ထို့အပြင် “စည်းလုံးကြ ညီညွတ်ကြ အာဏာရှင်ကို အမြစ်ဖြတ် တော်လှန်တိုက်ထုတ်ကြ”ဟုဘန်နာစာသားဖြင့် ပြည်သူလူထုအား နည်းလမ်းဟောင်းများအသုံးပြုပြီး ကုန်စည်ရိက္ခာ၊ ဆေးဝါးများဖြတ်တောက်ပိတ်ဆို့သည့် စစ်ကောင်စီ၏ လက်ပါးစေဂိတ်များအား ဆန့်ကျင်ကြောင်း လုံးခင်းသပိတ်အုပ်စုက ဆန္ဒပြခဲ့ကြသည်။
Public Service Announcement
ဖားကန့်ဒေသတွင်းတိုက်ပွဲများပြင်းထန်နေသည့်ကြားမှ လုံးခင်တွင်ဆန္ဒပြခဲ့ခြင်းဖြစ်သည်။
