သြဂုတ်-၉၊၂၀၂၅။ သုည/People’s Spring
စစ်ကိုင်းတိုင်းအတွင်းမှာ သပိတ်အဖွဲ့တွေ၊ ဒေသခံပြည်သူတွေက ဒီကနေ့ (သြဂုတ် ၉)မှာစစ်ကောင်စီရဲ့အတုအယောင်ရွေးကောက်ပွဲနဲ့စစ်အာဏာ ရှင်ဆန့်ကျင်ရေး သပိတ်လှုပ်ရှားမှုတွေ အသီးသီး ပြုလုပ်ခဲ့ပါတယ်။
ယင်းမာပင်မြို့နယ်မှာအောင်လံလွှင့်မည်ဒေါင်းသွေးနီသပိတ် စစ်ကြောင်း၊ အောင်လံလွှင့်မည် ရွှေရေကြည် သပိတ်စစ်ကြောင်းတို့က အာဏာသိမ်းစစ်ကောင်စီရဲ့ မတရားတဲ့စစ်မှုထမ်းဥပဒေကိုဆန့်ကျင်ကြဖို့နဲ့ စစ်အာဏာရှင်ကို ဆန့်ကျင်ဖို့ ချီတက်ဆန္ဒထုတ်ဖော်ခဲ့ပါတယ်။
ယင်းမာပင်မြို့နယ်မြောက်ခြမ်းမှာလည်းနောက်ပြန်မလှည့်ကြေးဒီတော် လှန်ရေး သပိတ်စစ်ကြောင်းက စစ်အာဏာရှင်စနစ် ဆန့်ကျင်ရေး လူထုသပိတ်ချီတက်ခဲ့ကြပါတယ်။
Public Service Announcement
အလားတူ ယင်းမာပင်မြို့နယ်ထဲက ကျေးရွာတစ်ရွာမှာလည်း ပြည်သူ့အားမာန်သပိတ် စစ်ကြောင်းက စစ်အာဏာရှင် ဆန့်ကျင်ရေး ဆန္ဒထုတ်ဖော်ခဲ့ကြပါတယ်။
ရွှေဘိုမြို့နယ် အတွင်းရှိ ကျေးရွာတစ်ရွာမှာလည်း ကျောင်းသားထု၊ အလုပ်သမားပြည်သူလူထု အတူပူးပေါင်းကာ “၈၈ မှသည် ၂၁/ ၂၁ မှသည် လူထုလွတ်မြောက်ရေးဆီသို့ချီတက်ကြ” ဘန်နာနဲ့ ချီတက်ဆန္ဒပြခဲ့ပါတယ်။
ယင်းဆန္ဒပြလှုပ်ရှားမှုကို ရွှေဘိုမြို့နယ် သပိတ်အင်အားစုနဲ့ အရာတော်လူထုသပိတ်တို့မှ အလုပ်သမားပြည်သူလူထုတို့ ပူးပေါင်း ချီတက်ခဲ့ကြခြင်း ဖြစ်ပါတယ်။
ဓာတ်ပုံ – စစ်ကိုင်းဒေသသပိတ်အင်အားစု၊ ရွာပေါင်းစုံသပိတ်၊ ရွှေဘိုမြို့နယ်သပိတ်
