စစ်အုပ်စုက စစ်ကိုင်းတံတားမှာ ပေါ်တာဆွဲလို့ ခရီးသည်တင်ယာဉ်လိုင်းတချို့စတင်ရပ်နား

စက်တင်ဘာ၁၊၂၀၂၅။မေ/People’s Spring

စစ်ကိုင်းတံတား (ရတနာပုံတံတား)ပေါ်မှာ စစ်အုပ်စုကပေါ်တာဆွဲတာတွေဆက်တိုက်လုပ်လာတာကြောင့် ဒီတံတားကိုဖြတ်သန်းပြီး မန္တလေးကိုသွားမယ့် ကျေးရွာတွေက ခရီးသည်တင်ကားတချို့ စတင်ရပ်နားလာကြတယ်လို့ ဒေသခံတွေက​ပြောပါတယ်။

စစ်ကိုင်းတံတားမှာ စစ်တပ်က ရက်ခြားနဲ့ ပေါ်တာဆွဲနေတာမို့ မုံရွာမြို့နယ်၊ယင်းမာပင်၊ဒီပဲယင်း၊ဝက်လက်၊စဉ့်ကူး၊ရွှေဘိုစတဲ့ မြို့နယ်တွေရှိ ကျေးရွာတွေကနေ ပြေးဆွဲ နေတဲ့ ခရီးသည်တင်ကားတချို့ ယာယီရပ်နားတာ တွေစတင်ပြုလုပ်နေပြီလို့ ဒေသခံ တွေကပြောပါတယ်။

ဩဂုတ်လ၂၈ ရက်နေ့ကခရီးသည်တင်ကားတွေ အပြင် အိမ်စီးကား ‌‌၊ကုန်တင်ကားတွေ ပေါ်မှာပါတဲ့ လူတွေကို ကျား၊မ မရွေးအကုန် ပေါ်တာဆွဲခဲ့တာလို့သိရပါတယ်။

Public Service Announcement

အဲဒီနောက်ပိုင်း အခုလို ယာဉ်လိုင်းရပ်နားတာ တွေပြုလုပ်လာတာလို့ သိရပါတယ်။

“၂၈ရက်နေ့ကတည်းကထွက်မယ့်ကားတွေအဲဒီသတင်းကြားပြီးရပ်ထားတယ်။နောက်ပြီးဒီမြို့နယ်က ကားတစီးရဲ့ စပါယ်ယာကောင်လေးလည်း အဆွဲခံလိုက်ရတယ်။ကားသမားကကူပြောပေးတာလည်းမရဘူးလို့ ပြောတယ်။အဲဒီ အန္တရာယ်နဲ့မို့ ကားတချို့က တော့နား နေပြီ”လို့ဒေသခံတဦးကပြောပါတယ်။

စစ်ကိုင်းမြို့မှာ ကျေးရွာတွေကနေ မန္တလေးဘက်ကို အလုပ်သွားလုပ်ဖို့ထွက်လာတဲ့ လူငယ် တွေနဲ့ ခရီးသည်တင် ကား တွေကို စစ်တပ်က အဓိကပစ်မှတ်ထား ပေါ်တာဆွဲရာကနေ ယခုရက်ပိုင်းမှာ စစ်ကိုင်းမြို့မဈေးအတွင်းထိ ဝင်ဆွဲတာမို့ မြို့ခံတွေပါ သတိထားနေထိုင် နေရတယ်လို့ သိရပါတယ်။