စက်တင်ဘာ-၉၊ ၂၀၂၅။ဇေအောင်/People’s Spring
မကွေးတိုင်း၊ နတ်မောက်မြို့နယ်မှာ ရိက္ခာပြတ်နေတဲ့ စစ်ရှောင်တွေကို တပ်ရင်းရဲ့ မိုးတွင်းအရံရိက္ခာတွေ ပြန်ဝေပေးလိုက်ကြောင်း နတ်မောက်မြို့နယ် အမှတ် (၉၀၂)တပ်ရင်း People’s Defence Force-Natmauk အဖွဲ့က ပြောပါတယ်။
မကွေးတိုင်း၊ နတ်မောက်မြို့နယ်ထဲက ရွာတရွာကို စစ်ကောင်စီတပ်က စက်တင်ဘာလဆန်းကတည်းက စစ်ကြောင်းထိုးပြီး တပ်စွဲထားတာ ၉ ရက်ခန့်ရှိပြီဖြစ်ကြောင်း၊ အများစုကတော့ နီးရာကျေးရွာတွေကို သွားရှောင်ကြပေမဲ့ လူ ၂၀၀ လောက်ကတော့ တောထဲမှာပဲ ရှောင်နေရပြီး ရိက္ခာပြတ်သွားလို့ အဆိုပါစစ်ရှောင်တွေကို တပ်ရင်းအတွက် စုဆောင်းထားတဲ့ မိုးတွင်းအရံရိက္ခာတွေ သွားဝေပေးခဲ့တာဖြစ်ကြောင်း တပ်ရင်းက ရဲဘော်တဦးက ပြောပါတယ်။
စစ်ရှောင်ပြည်သူများအား မိုးတွင်းအရံရိက္ခာများ ပြန်လည်မျှဝေလှူဒါန်းပေးခဲ့စဥ်။ ဓါတ်ပုံ-နတ်မောက်PDF စစ်ရှောင်ပြည်သူများအား မိုးတွင်းအရံရိက္ခာများ ပြန်လည်မျှဝေလှူဒါန်းပေးခဲ့စဥ်။ ဓါတ်ပုံ-နတ်မောက်PDF စစ်ရှောင်ပြည်သူများအား မိုးတွင်းအရံရိက္ခာများ ပြန်လည်မျှဝေလှူဒါန်းပေးခဲ့စဥ်။ ဓါတ်ပုံ-နတ်မောက်PDF စစ်ရှောင်ပြည်သူများအား မိုးတွင်းအရံရိက္ခာများ ပြန်လည်မျှဝေလှူဒါန်းပေးခဲ့စဥ်။ ဓါတ်ပုံ-နတ်မောက်PDF
“ဒီပုံစံအတိုင်းဆို ရက်ကကြာနိုင်သေးတယ်။ ဖြစ်နိုင်မယ်ဆိုရင်တော့ ရိက္ခာအကူအညီလေးတောင်းချင်တာပေါ့။ကူချင်တဲ့သူများရှိရင်ကျနော်တို့တပ်ရင်းက ကြားခံပြီးကူညီဆောင်ရွက်ပေးပါ့မယ်။”လို့ အထက်ပါရဲဘော်က ပြောပါတယ်။
Public Service Announcement
မကွေးတိုင်း၊နတ်မောက်မြို့နယ်မှာစစ်တပ်က တိုက်ပွဲမဖြစ်ဘဲ လေကြောင်းကနေ မကြာခဏ ဗုံးကြဲတိုက်ခိုက်နေပြီး ဩဂုတ် ၂၄ ရက်ညက လဲဘူးကျေးရွာကို လေကြောင်းကနေဗုံးကြဲတိုက်ခိုက်လို့ ကလေးငယ် ၂ ဦးအပါအဝင် ၅ ဦးသေဆုံးပြီး ၁၁ ဦးထက်မနည်း ထိခိုက်ဒဏ်ရာ ရရှိခဲ့ပါတယ်။
သြဂုတ် ၃၀ ရက်မှာလည်း ကန်သာကျေးရွာနဲ့ ဖတ်တောရေကျေးရွာကြားကို စက်တပ်လေထီးနဲ့ ထပ်ပြီးဗုံးချတိုက်ခိုက်လို့အသက်၂၇နှစ်အရွယ်သမီးဖြစ်သူမှာ နေရာတင်သေဆုံးပြီး ဖခင်ဖြစ်သူ ထိခိုက်ဒဏ်ရာ ရရှိခဲ့ပါတယ်။
စက်တင်ဘာ၆ရက်မှာလည်းရုံးပင်ကွတ်ရွာကိုစက်တပ်လေထီးနဲ့ ထပ်မံ ဗုံးလာကြဲလို့ သားအဖနှစ်ဦး ထိခိုက်ပြီး ဖခင်ဖြစ်သူသေဆုံးခဲ့ပါတယ်။
