ချောင်းမရာတိုက်ပွဲစစ်သား ၃ ဦး​သေ၊ ​စစ်သုံ့ပန်း ၄ ဦးဖမ်းမိပြီး ​သေနတ် ၇ လက်ရရှိ

စင်တင်ဘာ-၁၂၊၂၀၂၅။People’s Spring

ကနီမြို့နယ် ၊ ချောင်းမရွာတိုက်ပွဲမှာ အင်အား (၁၀၀)ခန့်ပါ စစ်တပ်စစ်ကြောင်းကို ​တော်လှန်​ရေးတပ်​တွေကတိုက်ခိုက်တာမှာစစ်သား (၃) ဦး သေဆုံးပြီးစစ်သုံ့ပန်း (၄) ဦး ဖမ်းဆီးရရှိခဲ့သလို ​သေနတ် ၇ လက် ၊ဂျမ်ပါ နဲ့ခဲယမ်း​တွေ သိမ်းဆည်းရရှိခဲ့တယ်လို့ NUG ၊ကာကွယ်ရေးဝန်ကြီးဌာန၊စစ်ရုံးချုပ်ကထုတ်ပြန်ပါတယ်။

ကနီမြို့နယ်၊ ချောင်းမရွာမှာစစ်တပ်တပ်မ (၃၃) လက်အောက်ခံ ခမရ (၁၆) မှ ဗိုလ်မှူးသူရိန် ဦးဆောင်တဲ့ အင်အား (၁၀၀) ခန့်ပါ စစ်ကြောင်းကို NUG ၊ ကာကွယ်ရေးဝန်ကြီးဌာန ကွပ်ကဲမှုအောက်မှာရှိတဲ့ ပြည်သူ့ကာကွယ်ရေးတပ်မတော်၊ တပ်ရင်း၊ တပ်ဖွဲ့​တွေ၊ ပကဖ နဲ့ မဟာမိတ်တပ်​တွေက စက်တင်ဘာလ (၁၁) ရက်နေ့၊ နံနက် (၁၁) နာရီကျော်တွင် ဝင်ရောက် တိုက်ခိုက်ခဲ့တာပါ။

ဝင်ရောက်တိုက်ခိုက်တာမှာ စစ်သား(၃) ဦး သေဆုံးပြီး စစ်သုံ့ပန်း (၄) ဦးနဲ့ လက်နက်​တွေ သိမ်းဆည်းရရှိခဲ့ပြီး ၊စစ်​ကြောင်း ထိခိုက်ဆုံးရှုံးမှု များပြားခဲ့တာ​ကြောင့် ဘန့်ဘွေးပျူစောထီးရွာဘက်ကို ပြန်လည်ဆုတ်ခွာသွားခဲ့တယ်လို့​ဖော်ပြထားပါတယ်။

Public Service Announcement

ဆုတ်ခွာသွားတဲ့ စစ်တပ် စစ်ကြောင်းကိုပါ PDF နဲ့ ပကဖ အဖွဲ့​တွေက ပိတ်ဆို့တိုက်ခိုက်ခဲ့ပါတယ် ။

တိုက်ပွဲအတွင်း စစ်တပ်ထံမှ အလောင်း (၃) လောင်း၊ စစ်သုံ့ပန်း (၄) ဦး၊ MA-1 (၄) လက်၊ MA-3 (၁) လက်၊ MG-3 (၁) လက်၊ MAS စနိုက်ပါ (၁) လက်၊ ဂျမ်ပါ (၁)လုံးနဲ့ တခြားစစ်အသုံးအဆောင် ပစ္စည်း​တွေ သိမ်းဆည်းရရှိခဲ့တယ်လို့ အသိ​ပေးထားပါတယ် ။

“ချောင်းမတိုက်ပွဲမှာစခတွေအကုန်ပြန်ပြေးရတယ်။သုံ့ပန်းတွေလည်း ရတယ်။ ဒရုန်းတွေရော၊ လက်နက်ငယ်တွေရော၊ငါးကြင်းနှစ်လက်ပါရတယ်။ တရားဝင် ထုတ်ပြန်ဖို့ရှိတယ်”လို့ PDF တော်လှန်ရဲဘော်တဦးက ပြောပါတယ် ။

စစ်တပ်စစ်ကြောင်း​တွေဟာမုံရွာ၊ယာကြီး၊ ကလေးဝလမ်းအတိုင်း စက်တင်ဘာလဆန်းမှစပြီး​တော့ ကနီမြို့နယ်အတွင်း ဝင်ရောက်လာတာဖြစ်ပါတယ်။ ချောင်းဝရွာအပါအဝင် ကျေးရွာအချို့ကနေအိမ်​တွေကိုမီးရှို့သလို ဒေသခံပြည်သူ၂၀,၀၀၀ ကျော်မှာလည်း စစ်တပ်ရန်ပြုမှာစိုးရိမ်တာ​ကြောင့် နေရပ်စွန့်ခွာနေရပြီး​တော့ အရေးပေါ်အကူအညီ​တွေလိုအပ်နေပါတယ် ။

စစ်တပ်ဟာယင်းမာပင်ခရိုင်အတွင်း ကနီအပြင် ပုလဲမြို့နယ်ကိုပါ စစ်ကြောင်းထိုးနေတာပါ။

ယင်းမာပင်ခရိုင်ထဲမှာ ကနီ၊ ပုလဲ၊ ဆားလင်းကြီးနဲ့ယင်းမာပင်မြို့နယ်တို့ ပါဝင်ပါတယ်။ နှစ်မြို့နယ်စလုံးကို လေကြောင်းတိုက်ခိုက်မှု​တွေနဲ့မြေပြင်စစ်ကြောင်းထိုးမှု​တွေ လုပ်နေကြပါတယ်။