စက်တင်ဘာ-၁၇၊၂၀၂၅။ဇေအောင်/People’s Spring
မုံရွာ-မန္တလေးလမ်း လမ်းပြန်ဖွင့်ပေမဲ့ စစ်အုပ်စုက နတ်ရေကန်ရွာအနီးမှာ ကားတွေကို ထိန်းလွှတ်နေလို့ ကားအစီးရေ ရာချီပိတ်မိနေကြောင်း ဒေသခံတွေက ပြောပါတယ်။
စက်တင်ဘာ ၁၆ ရက် မနက်ပိုင်းကမုံရွာ-မန္တလေးလမ်းပိုင်း နေရာနှစ်နေရာမှာ တိုက်ပွဲတွေဖြစ်ပွားခဲ့တာကြောင့် လမ်းပိုင်းယာယီပိတ်ထားခဲ့ပြီး နေ့လယ်ပိုင်းမှာ လမ်းပြန်ဖွင့်ခဲ့ပါတယ်။ ဒီကနေ့မှာလည်းလမ်းဖွင့်ထားပေမယ့်နတ်ရေကန်ရွာအနီးမှာ စစ်တပ်က ကားတွေထိန်းလွှတ်နေလို့ကားအစီးရေရာချီပိတ်မိနေကြောင်းဒေသခံတွေကပြောပါတယ်။
“ကားများကို ၂ စီးတစ်သုတ်၃ စီးတစ်သုတ်သာ လွှတ်ပေးတာမို့ခရီးသွားအများပြည်သူတွေရဲ့ကားများစွာဟာလမ်းကြောပိတ်ဆို့မှုဖြစ်ပေါ်နေရပါတယ်။ခုလက်ရှိအချိန်ထိတော့တိုက်ပွဲဖြစ်ပေါ်နေခြင်းမျိုးမရှိသေးဘူးလို့သိရပါတယ်။ခရီးသွားပြည်သူကားများကိုကာဗာယူထားတဲ့သဘောမျိုးသာဖြစ်မယ်လို့ ယူဆရပါတယ်”လို့ဒေသခံတဦးက ပြောပါတယ်။
Public Service Announcement
စက်တင်ဘာ ၁၇ ရက်နေ့မှာတော့ မုံရွာ-မန္တလေးလမ်းပေါ်မှာတိုက်ပွဲဖြစ်ပွားခြင်းမရှိဘူးလို့ သိရပါတယ်။
မနေ့က မုံရွာ-မန္တလေးလမ်းမကြီးပေါ်မှာ မုံရွေးရွာတိုးဂိတ်နဲ့ တခြားနေရာတနေရာက စစ်အုပ်စုတွေ တိုက်ခိုက်ခံရပြီး ထိးခိုက်သေဆုံးမှုတွေ ရှိခဲ့ပါတယ်။ မုံရွာ-မန္တလေးလမ်းပေါ်က စစ်အုပ်စုဟာ ခရီးသွားပြည်သူတွေကို လူသားဒိုင်းလုပ်တာ၊ မိုင်းရှာခိုင်းတာတွေ မကြာခဏ ပြုလုပ်နေလို့ သတိထားသွားလာကြဖို့ ဒေသတွင်းတော်လှန်ရေးအင်အားစုတွေက သတိပေးထားကြပါတယ်။
