စက်တင်ဘာ-၁၉၊၂၀၂၅၊မေ/ People’s Spring
မန္တလေးမြို့ ၊စွယ်တော်ကားကြီးကွင်းမှာ ကားအစီး ရေထောင်နဲ့ချီပိတ်မိပြီးတဲ့နောက် ကား သမားတွေဆန္ဒပြမှုထပ်မံဖြစ်ခဲ့တယ်လို့ ကုန်ကား မောင်းသူတွေက ပြောပါတယ်။
ကားလမ်း ကြောအားလုံးပြန်ဖွင့်ချိန်မှာ စွယ်တော်ကားကွင်းမှာ ကားအစီးရေတထောင် ကျော်ပိတ်မိနေပြီး စစ်ဆေးမှုကြန့်ကြာတာ တွေနဲ့ ကြားဖြတ်စစ် ဆေးမှုတွေကို ကန့်ကွက်တဲ့အနေ နဲ့ စက်တင်ဘာလ၁၅ ရက်နေ့က ကားသမား တွေအားလုံး ဟွန်းတီးဆန္ဒထုတ် ဖော်ခဲ့တာလို့ သိရပါတယ်။
“ကားထွက်ဖို့ စာရွက်အရင်ထပ်ရတယ်။စာရွက်သွားထပ်ရင် အဲဒီစာရွက်စစ်ဖို့ကို သူတို့က၁၀ ရက်လောက်ကြာတယ်။အဲတာပြီးမှ ကားတန်းရတာ။အရင်က ကားထွက်ဖို့ ၇ ရက်လောက်ကြာရင်အခုက ၁၅ ရက်လောက်မှ ဒီကွင်းထဲက ကားထွက်ရတာ”လို့ ကားသမားတဦးက ပြောပါတယ်။
Public Service Announcement
စွယ်တော်ကားကွင်းမှာ ၁၅တန်နဲ့အထက် ကုန်တင်ယာဉ်တွေ အစစ်ဆေးခံဖို့ စစ်ကောင်စီက အမိန့်ထုတ်ထားတာပါ။
ယခင်ကလည်း ကားတွေလနဲ့ချီပိတ်မိ နေတာမို့ ကုန်ကားသမားတွေ ဆန္ဒဖော်ထုတ်ခဲ့ကြပါ သေးတယ်။
ရွှေကြက်ယက်(ဇက်ဆိပ်)၊ရတနာပုံတံတား(စစ်ကိုင်းတံတား)ကနေ ဖြတ်သန်းသွားလာမယ့် ၁၅တန်နှင့်အထက် ကုန်တင် ယာဉ်တွေကို ဇူလိုင်လ၂၁ ရက်နေ့ကစတင်က စစ်ဆေး ရေးလုပ်ငန်းအဖွဲ့က ပြည်ကြီးမင်္ဂလာ(စွယ်တော်ကားကြီးကွင်း)မှာ စိစစ်ခွင့်ပြုသွားမယ်လို့ ထုတ်ပြန်ထားတာပါ။
အိမ်စီးကားနဲ့ ကားအသေးတွေကို ရွှေကြပ်ယက်ဇက်ဆိပ်နဲ့ စစ်ကိုင်းတံတားဂိတ်တို့မှာ စစ်ဆေး နေတာလို့သိရပါတယ်။
