စက်တင်ဘာ-၁၉၊၂၀၂၅။ဇော်ရမ်း/People’s Spring
ရှားပါးမျိုးစိတ်ဖြစ်ပြီး အထူးကာကွယ် စောင့်ရှောက်ရန်ဥပဒေပြဌာန်းကာကွယ်ထားသည့်ပန်ဒါနီ (Red Panda) လေးများကို မှောင်ခို သယ်လာသူများက အင်းတော်မြို့ကိုဖြတ်သန်းစဉ် ပြည်သူ့ကာကွယ်ရေးတပ်ဖွဲ့များကဖမ်းဆီးနိုင်ခဲ့သည်။
ဒေသတွင်းလမ်းပိုင်းများအားPDF များကလုံခြုံရေးယူနေစဉ် ကားအတွင်း လှောင်အိမ်များဖြင့်ဖွက်၍သယ်ဆောင်လာသော ပန်ဒါနီ လေးများကို တွေ့ရှိခြင်းဖြစ်ပြီး သယ်ဆောင်လာသူကိုဖမ်းဆီးထားကြောင်းသိရသည်။
“ကချင်ဘက်ကနေသယ်လာတာ။ဘယ်ကိုပို့မလဲဆိုတာ မေးမြန်းဆဲပဲ။ကားသမားနဲ့ ဆက်စပ်သူတွေပါ စစ်ဆေးနေတာ ဟုတ်တယ်” ဟု အင်းတော်မြို့မှ ဒေသခံတဦးကပြောသည်။
Public Service Announcement
မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ ဓာတ်ပုံ – Hkalem Uma မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ ဓာတ်ပုံ – Hkalem Uma မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ ဓာတ်ပုံ – Hkalem Uma မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ ဓာတ်ပုံ – Hkalem Uma မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ ဓာတ်ပုံ – Hkalem Uma
ထပ်မံရရှိသောသတင်းအရ ပန်ဒါနီစုစုပေါင်း ၉ ကောင်ကို ကယ်တင်နိုင်ခဲ့ခြင်းဖြစ်သည်။
အဆိုပါပန်ဒါနီ လေးများကို ၎င်းတို့ကျက်စားသည့် မူရင်းဒေသသို့ ပြန်ပို့ရန်စီစဉ်နေသည်ဟု အမျိုးသားညီညွတ်ရေးအစိုးရ၊သယံဇာတနှင့်သဘာဝ ပတ်ဝန်းကျင်ထိန်းသိမ်းရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာတူးခေါင်က အသိပေးထားသည်။
ပန်ဒါနီ (Red Panda)လေးများသည် ကမ္ဘာပေါ်တွင်မျိုးသုန်းပျောက်ကွယ်လုနီးပါးရှားပါးတိရစ္ဆာန်လေးများဖြစ်သည်။ရေခဲတောင်ဒေသများတွင်ကျက်စားပြီးကမ္ဘာပေါ်တွင်ခန့်မှန်း အကောင်ရေ ၁၀,၀၀၀ခန့်သာ ကျန်ရှိတော့သည့် ရှားပါးမျိုးစိတ်ဖြစ်သည်။ ၎င်းတို့အား ရောင်းဝယ်ဖောက်ကားမှုကို ပြင်းပြင်းထန်ထန်တားမြစ်ထားသည်။
အင်းတော်မြို့ကို အမျိုးသားညီညွတ်ရေးအစိုးရ ၊ကာကွယ်ရေးဝန်ကြီးဌာန၊ အမှတ် ၁ စစ်ဒေသ၏ ကွပ်ကဲမှုဖြင့်၂၀၂၄ သြဂုတ်လတွင်မြို့သိမ်းတိုက်ပွဲစတင်ခဲ့ပြီး ၂၀၂၅ ဧပြီ ၇ ရက်တွင် သိမ်းပိုက်ထိန်းချုပ်ခဲ့သည်။
( မှောင်ခိုသမားများထံမှ PDF များကယ်ထုတ်ခဲ့သည့် ပန်ဒါနီလေးများ။ရုပ်သံ-Hkalem Uma)
