စက်တင်ဘာ ၂၃၊ ၂၀၂၅။ ကျော်ဇော/ People’s Spring
ပဲခူးတိုင်း၊ နတ္တလင်းမြို့နယ်တွင်စစ်မှုထမ်းဖို့ ဖမ်းဆီးခေါ်ဆောင်ခြင်းခံရတဲ့ အမျိုးသားတဦးက စခန်းမှရဲတဦးကို ဓားနှင့်ထိုးပြီး သေနတ်လုထွက်ပြေးကာ PDF ထံခိုလှုံလာတယ်လို့ သာ ယာဝတီခရိုင် တပ်ရင်း ၃၈၀၁ မှ တာဝန်ရှိသူတဦးက ပြောပါတယ်။
စက်တင်ဘာ ၁၀ ရက်နေ့က နတ်တလင်းမြို့ နယ်၊ တောင်ညိုကွက်သစ်မှ စစ်မှုထမ်းတပ်သားအဖြစ် ပေါ်တာဆွဲစုဆောင်းခံရတဲ့ စိုင်းမြတ်ကိုဆိုသူအား စစ်တပ်အောက်ခံ တောင်ညိုကွက်သစ်ရှိ နယ်မြေရဲစခန်းသို့ ခေါ်ဆောင်သွားခဲ့တယ်လို့သိရပါတယ်။
အဲဒီစခန်းမှာရှိနေချိန် စက်တင်ဘာ ၂၁ ရက်နေ့ည ၇ နာရီခန့်၌ စခန်းရှိရဲများ တန်းစီနေစဥ် ပေါင်းတည်ဘက်ကနေ ပြောင်းလာတဲ့ ရဲတဦးအား ၎င်းရဲ့ဓားနဲ့ ထိုးကာ သေနတ်တလက်နဲ့ ကျည်အချို့ကိုယူဆောင်ပြီး တပ်ရင်း ၃၈၀၁ ထံ ဆက်သွယ်ရောက်ရှိလာတာလို့ တပ်ရင်းတာ ဝန်ရှိသူကပြောပါတယ်။
Public Service Announcement
ရဲလက်မှ ထွက်ပြေးလွတ်မြောက်လာတဲ့ ကိုစိုင်းမြတ်ကိုနဲ့အတူ G3 သေနတ် (၁) လက်၊ G3 ကျည် (၁၀) တောင့်၊ ကျည်ဘောက် (၁) ခုယူ ဆောင်လာတာကြောင့် ၎င်းအား ဆုကြေးငွေ ကျပ်သိန်း ၂၀ တိတိကို ပေးအပ်ချီးမြှင့်ခဲ့တယ်လို့ သိရပါတယ်။
“သူက စစ်မှုထမ်းဖို့ ပေါ်တာဆွဲခံထားရတာဆိုပေမယ့် သင်တန်းတွေဘာတွေ တက်ထားတာတော့ မရှိသေးဘူး။ အဲလိုမရှိသေးတော့ တပ်ဖွဲ့ထဲကိုဝင်ပြီးမှ တော်လှန်ရေးကို ဆက်လုပ်ပါမယ်လို့ ပြောထားပါတယ်”လို့တပ်ရင်း ၃၈၀၁ ရဲတပ်ရင်းမှူးက လူထုနွေဦးကို ပြောပါတယ်။
စစ်မှုထမ်းဖို့အတင်းအဓမ္မပေါ်တာဆွဲခံရတဲ့ တခြားသော လူငယ်များအနေဖြင့်လည်း အခွင့်ရေးရရင်ရသလို သာယာဝတီခရိုင်တပ်ရင်း(၁),P2 3801 ထံ ချိတ်ဆက် ဆက်သွယ်ကြပြီး စစ်တပ်ကို တော်လှန်ကြ ဖို့ နဲ့ စစ်အာဏာရှင်၏ အကျိုးစီးပွားကာကွယ်ဖို့အ တွက် အသုံးချခံမဖြစ်ကြစေဖို့ တိုက်တွန်းထားပါတယ်။
“ပူးပေါင်း ပါ၀င်လက်တွဲချင်သူတိုင်းကိုနွေးထွေးစွာကြိုဆိုလျှက်။လာပါ အာဏာရှင် စကစကို ငါတို့အတူတူ တိုက်ထုပ်ကြစို့”လို့ သာယာဝတီခရိုင် တပ်ရင်း ၃၈၀၁ မှ တပ်ရင်းမှူးက ဖိတ်ခေါ်ထားပါတယ်။
