အောက်တိုဘာ-၁၉၊၂၀၂၅။မေရီ/People’s Spring
မန္တလေးမြို့မှာဆိုင်ကယ်စီးလာသူတဦးကို အရပ်ဝတ်တွေနဲ့ လူတစ်စုကတားပြီး ဖုန်းစစ်မယ်ဆိုကာ ဖုန်းလုပြေးသွားပါတယ်။
အောက်တိုဘာ ၁၈ ရက်မနက်ပိုင်းက မန္တလေးမြို့၊ ပြည်ကြီးတံခွန်မြို့နယ်၊ ၇၈ လမ်းမကြီးပေါ်၊ ၁၁၅ လမ်းနဲ့ ၁၁၇ လမ်းကြား၊ ကျွဲဆည်ကန်မီးပွိုင့်အ
ကျော်မှာ အရပ်ဝတ်လူတစုက ဆိုင်ကယ်စီးလာတဲ့ အမျိုးသားတဦးကို တားဆီးခဲ့ကြောင်း သိမြင်လိုက်သူတွေက ပြောပါတယ်။
Public Service Announcement
အဲဒီအချိန် ဖုန်းစစ်မယ်ဆိုလို့ ဆိုင်ကယ်စီးလာသူ အမျိုးသားက သူ့ရဲ့ iphone 16 ဖုန်းကို ပေးလိုက်တဲ့အချိန် စစ်ဆေးသူတွေဟာဖုန်းကိုယူပြီးထွက်
ပြေးသွားကြောင်း ဖြစ်စဥ်မြင်လိုက်ရသူတွေက ပြောပါတယ်။
“ဖုန်းစစ်မယ်ဆိုလို့ ဖုန်း password တွေ ပြောပြီးမှ ဖုန်းကိုယူပြီး ထွက်ပြေးသွားတာ”လို့ ဖြစ်စဥ်ကိုသိသူတဦးက ပြောပါတယ်။
ဖုန်းယူထွက်ပြေးသွားသူတွေဟာ စစ်အုပ်စုဝင်တွေ ဟုတ်၊မဟုတ် အတည်ပြုလို့ မရသေးပါဘူး။
အခင်းဖြစ်ရာနေရာဟာ စစ်ကောင်စီကင်းချထားတဲ့ ကမ္ဘာ့ရတနာဘဏ်နဲ့ မြဝတီဘဏ်တွေရဲ့ မနီးမဝေးမှာ တည်ရှိနေကြောင်း မြို့ခံအချို့က ပြောပါတယ်။
ပြီးခဲ့တဲ့ လပိုင်းအတွင်းကလည်းအခုလိုပဲမန္တလေးမြို့ပေါ်မှာ ဖုန်းစစ်မယ်ဆိုပြီး လုယူထွက်ပြေးသွားတဲ့ဖြစ်စဥ်တွေ ဖြစ်ပွားခဲ့ဖူးကြောင်း မြို့ခံတွေက ပြောပါတယ်။
စစ်ကောင်စီတပ်ကလည်းနေ့စဥ့်လှည့်ကင်းကားနဲ့ပတ်ပြီး ဆိုင်ကယ်တွေကိုတားကာ ဖုန်းတွေကို လှည့်လည်စစ်ဆေးနေကြောင်း သတင်းရရှိပါတယ်။
