အောက်တိုဘာ-၁၉၊ ၂၀၂၅။ ထားမြတ်/People’s Spring
တနင်္သာရီမြို့နယ်၊ တမုတ်ချုံရွာအနီး တပ်စွဲထားတဲ့ စစ်ကောင်စီတပ်ကို တော်လှန်ရေးပူးပေါင်းတပ်က တိုက်ခိုက်ခဲ့ရာ စစ်ကောင်စီတပ်သေဆုံးမှုရှိခဲ့တယ်လို့ တိုက်ပွဲမှာပါဝင်ခဲ့တဲ့ ပြည်သူ့ကာကွယ်ရေးတပ်မတော်(PDF) မြိတ်ခရိုင် အမှတ်(၂) တပ်ရင်းက သတင်းထုတ်ပြန်ပါတယ်။
တနင်္သာရီမြို့နယ် တမုတ်ချုံရွာအနီး တပ်စွဲထားတဲ့ စစ်ကော်စီတပ်ကို တော်လှန်ရေးပူးပေါင်တပ် တွေက အောက်တိုဘာ ၁၆ရက် နံနက်မှာ ဝင် ရောက်တိုက်ခိုက်ခဲ့ရာ ၄၅မိနစ်ကြာ တိုက်ပွဲဖြစ်ခဲ့တယ်လို့ ဆိုပါတယ်။
အဲဒီတိုက်ပွဲမှာ စစ်ကောင်စီတပ်က လေးဦး သေဆုံးနိုင်တယ်လို့ မြိတ်ခရိုင် တပ်ရင်း(၂)က ထုတ်ပြန်ထားပါတယ်။
Public Service Announcement
တော်လှန်ရေးပူးပေါင်းတပ်က ပြန်လည်ဆုတ်ခွာသွားလို့ ဒီကနေ့ အောက်တိုဘာ ၁၉ရက်မှာတော့ တိုက်ပွဲမရှိဘူးလို့ မြိတ်ခရိုင် အမှတ်(၂) တပ်ရင်း သတင်းပြန်ကြားရေး တာဝန်ရှိသူက ပြောပါတယ်။
“အခုတော့ သူတို့လည်း ငြိမ်နေပါတယ်။ တမုတ်ချုံရွာကတော့ ပြန်မဆုတ်သေးပါဘူး။”လို့ သတင်းပြန်ကြားရေး တာဝန်ရှိသူက စစ်ကောင်စီတပ်တွေ ကျေးရွာအနီး ဆက်ရှိနေတဲ့ အခြေအနေကို ပြောပြပါတယ်။
စစ်ကောင်စီတပ်ကို မြိတ်ခရိုင် အမှတ်(၂) တပ်ရင်း၊ တပ်ခွဲ(၂)၊ ကော့သောင်းခရိုင် တပ်ရင်း(၁)၊ Dragon Squad ဒရုန်းတပ်ဖွဲ့၊ တနင်္သာရီမြို့နယ် ပကဖ တပ်ဖွဲ့တို့ ပူးပေါင်း တိုက်ခိုက်ခဲ့တာ ဖြစ်ပြီး ပူးပေါင်းတပ်ဖွဲ့ဘက်က အထိအခိုက်မရှိ ဆုတ်ခွာနိုင်ခဲ့တယ်လို့ အသိပေးထားပါတယ်။
