တံတားဦးနယ်မှာ လူငယ်တွေကို စစ်တပ် ပေါ်တာဆွဲ

နိုဝင်ဘာ-၅၊ ၂၀၂၅။ ရှိန်း/People’s Spring

မန္တလေးတိုင်း၊ တံတားဦးမြို့နယ်မှာ စစ်တပ်က ပေါ်တာဆွဲတာတွေပြုလုပ်နေပြီး အခုအပတ်စဉ်အတွက် လူငယ် ၁၀၀ အထိ ပေါ်တာဆွဲမယ်လို့ မြို့ခံတွေဆီက သိရပါတယ်။

စစ်မှုထမ်း အပတ်စဉ်-၂၀ အတွက် တံတားမြို့ပတ်ဝန်းကျင်က ကျေးရွာတွေမှာ ‌‌‌ ပေါ်တာဆွဲတာတွေ အောက်တိုဘာလနောက်ဆုံးပတ်က စတင်ပြုလုပ်နေပြီး လူဦးရေ ၃၀ သာရရှိသေးတာကြောင့် ၇၀ ထပ်မံ ခေါ်ယူဖို့လိုသေးတယ်လို့ အုပ်ချုပ်ရေးတာဝန်ရှိသူတွေက ပြောကြောင်း မြို့ခံတွေက ပြောပါတယ်။

“မြို့ပေါ်မှာ ည၇နာရီဆို ဘယ်သူမှအပြင်မထွက်ကြတော့ဘူး။ ဆွဲတာကတော့ ထွေအုပ်၊ရဲ၊စစ်သားစုဆောင်းရေးတွေပူးပေါင်းပြီးဆွဲတာ”လို့ မြို့ခံတစ်ဦးက ပြောပါတယ်။

Public Service Announcement

ပေါ်တာဆွဲခံရသူအများစုဟာ ကျေးရွာတွေဘက်ကနေ မြို့ပေါ်ကို အလုပ်လာလုပ်ကြသူတွေဖြစ်ပြီး အလုပ်သွားချိန် မနက်အစောနဲ့ ညနေခင်းတွေမှာ ပိုမို ပေါ်တာဆွဲလေ့ရှိတယ်လို့ သိရပါတယ်။

နိုဝင်ဘာမှာ စစ်တပ်က အပတ်စဉ်-၂၀ အတွက် စစ်မှုထမ်းခေါ်ယူနေပြီး မိတ္ထီလာ၊ ပျော်ဘွယ်၊ ညောင်ဦး၊ ကျောက်ပန်းတောင်း စတဲ့ မြို့တွေမှာလည်း ဆက်တိုက် ပေါ်တာဆွဲတာတွေပြုလုပ်နေတယ်လို့ သိရပါတယ်။