နိုဝင်ဘာ-၁၂၊ ၂၀၂၅။ ထားမြတ်/People’s Spring
တနင်္သာရီမြို့နယ်၊ ထိုင်း-မြန်မာနယ်စပ် မောတောင်ဒေသကို စစ်ကောင်စီက လေကြောင်း၊ လက်နက်ကြီးတွေနဲ့ တိုက်ခိုက်နေလို့ ဒေသခံ ထောင်ချီ စစ်ဘေးရှောင်နေရကြောင်း ဒေသ သတင်းရင်းမြစ်က ပြောပါတယ်။
နိုဝင်ဘာ ၁၀ရက်ကစပြီး မောတောင်နယ်စပ်ရှိ စစ်ကောင်စီတပ်က လက်နက်ကြီးတွေနဲ့ စတင်ပစ်ခတ်ခဲ့တာဖြစ်ပြီး ဒီကနေ့ နိုဝင်ဘာ ၁၂ရက်မှာလည်း လေကြောင်းတိုက်ခိုက်မှုတွေရှိတယ်လို့ ပြောပါတယ်။
“ဒီကနေ့မှာတော့ လေယာဉ်ဗုံးလာကြဲတာ ၂ခါရှိပြီ။ စစ်ရှောင်တွေကအနည်းဆုံးထောင်ကျော် လောက်ရှိမယ်။ ၁၀ ရက်နေ့မှာ သူတို့ လက်နက်ကြီး စပစ်တယ်။ စပစ်တော့ ပြည်သူလူထုက ထိုင်းနယ်စပ်မျဉ်းပေါ်မှာတော့ ထွက်ပြေးတိမ်းရှောင်နေရတာပေါ့။မော်တောင်မြို့တမြို့လုံးရှိဒေသခံတွေပေါ့။” လို့ ဒေသ သတင်းရင်းမြစ်က ပြောပါတယ်။
Public Service Announcement
ထိုင်းနယ်စပ်တိမ်းရှောင်နေကြတဲ့ ဒေသခံပြည်သူတွေကို တွေ့ရစဉ်။ ဓာတ်ပုံ – KNU-MTD 
ထိုင်းနယ်စပ်တိမ်းရှောင်နေကြတဲ့ ဒေသခံပြည်သူတွေကို တွေ့ရစဉ်။ ဓာတ်ပုံ – KNU-MTD 
ထိုင်းနယ်စပ်တိမ်းရှောင်နေကြတဲ့ ဒေသခံပြည်သူတွေကို တွေ့ရစဉ်။ ဓာတ်ပုံ – KNU-MTD 
ထိုင်းနယ်စပ်တိမ်းရှောင်နေကြတဲ့ ဒေသခံပြည်သူတွေကို တွေ့ရစဉ်။ ဓာတ်ပုံ – KNU-MTD 
ထိုင်းနယ်စပ်တိမ်းရှောင်နေကြတဲ့ ဒေသခံပြည်သူတွေကို တွေ့ရစဉ်။ ဓာတ်ပုံ – KNU-MTD
ပစ်ခတ်မှုစဖြစ်ကတည်းက ထိုင်းနိုင်ငံဘက်ဝင်ရောက်တိမ်းရှောင်သူ အချို့လည်း ရှိတယ်လို့ ဆိုပါတယ်။
နယ်စပ်မှာ တိမ်းရှောင်နေတဲ့သူတွေများလို့ စားနပ်ရိက္ခာအပါအဝင် အရေးပေါ် အကူအညီတွေလိုအပ်နေတယ်လို့လည်း သတင်းရင်းမြစ်က ပြောပါတယ်။
KNU မြိတ်-ထားဝယ်ခရိုင်ကလည်း မောတောင် ဒေသခံတွေဟာ စစ်တပ်ရဲ့လက်ကန်ကြီး ပစ်ခတ်မှုကြောင့် ထွက်ပြေးတိမ်းရှောင်နေရကြောင်း ဒီမနက်မှာ အသိပေးထားပါတယ်။
အာဏာသိမ်းစစ်တပ်ဟာဆက်လက် အာဏာတည်မြဲရေးအတွက် သူတို့ အုပ်ချုပ်ရာ နယ်မြေတွေမှာ ရွေးကောက်ပွဲ အဓမ္မကျင်းပဖို့ ကြိုးပမ်းနေသကဲ့သို့ လက်လွတ်ဆုံးရှုံးခဲ့ရတဲ့ နယ်မြေတွေကိုလည်း ပြည်သူတွေ အကြောက်တရား ဖြစ်စေဖို့ ရည်ရွယ်ချက်ရှိရှိ ဗုံးကြဲတိုက်ခိုက်တာ၊ လက်နက်ကြီး ပစ်ခတ်တာတွေ မကြာခဏ လုပ်ဆောင်ခဲ့တယ်လို့ KNUက ထုတ်ပြန်ထားပါတယ်။
စစ်ကောင်စီတပ်ဟာ နိုဝင်ဘာ ၁၁ရက် နေ့လည်ပိုင်းကလည်း KNU မြိတ်-ထားဝယ် ခရိုင် ကရင်အမျိုးသားတပ်မတော်(KNLA) တပ်မဟာ(၄) နယ်မြေ အင့်သင့်ထာ ဒေသကို လေယာဉ်နဲ့ ဗုံးကြဲပြီး စက်သေနတ်နဲ့ ပစ်ခတ်ခဲ့လို့ အမျိုးသမီး ၁ဦးသေဆုံးခဲ့တယ်လို့ KNU မြိတ်-ထားဝယ်ခရိုင်က ထုတ်ပြန်ထားပါတယ်။
KNLA တပ်မဟာ(၄) ပူးပေါင်းတပ်တွေကလည်း အခုနှစ်အတွင်းမှာ စစ်ကောင်စီရဲ့ နယ်စပ်စခန်းတွေ တိုက်ခိုက်သိမ်းပိုက်တာတွေလုပ်ဆောင်ခဲ့ပြီး ဒေသတွင်း တော်လှန်ရေးတပ်ဖွဲ့တွေကလည်း စစ်ရှိန်မြှင့်လာနိုင်ကြောင်း အသိပေးထားပါတယ်။
