နိုဝင်ဘာ-၂၅၊၂၀၂၅။ သုည/People’s Spring
စစ်ကိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ လေကြောင်းရန်ကာကွယ်ရေးနဲ့ စစ်ကောင်စီရွေးကောက်ပွဲဆန့်ကျင်ရေး ဆန္ဒပြလှုပ်ရှားမှုတွေ ဒီကနေ့ (နိုဝင်ဘာ ၂၅) မှာ ပြုလုပ်ခဲ့ပါတယ်။
စစ်ကိုင်းတိုင်း ဆားလင်းကြီးမြို့နယ် သပိတ်အင်အားစုမှ “ ထွက်ပေါက်မဟုတ်ဘူးထောင်ချောက်” ၊ “ သင့်မဲဖြင့်တရားဝင်လူသတ်ခွင့်မပေးနဲ့” စာသားနဲ့ စစ်ကောင်စီက ပြုလုပ်မယ့် ရွေးကောက်ပွဲကို ဆန့်ကျင်တဲ့ လှုပ်ရှားမှုပြုလုပ်ခဲ့ပါတယ်။
ကနီမြို့နယ်မှာလည်း သပိတ်ဦးဆောင်ကော်မတီ၊ လူထုဖက်ဒရယ်သပိတ်အင်အားစု၊ အမျိုးသမီးသပိတ်စစ်ကြောင်း(WAB)၊ ပညာရေးဘုတ်အဖွဲ့နဲ့တော်လှန်လူငယ် အဖွဲ့တို့ ပူးပေါင်းပြီး လေကြောင်းရန်ကာကွယ်ရေးနဲ့ ရွေးကောက်ပွဲ ဆန့်ကျင်ရေး အသိပညာပေးဆွေးနွေးပွဲ လုပ်ဆောင်ခဲ့ပါတယ်။
Public Service Announcement
ဒါ့အအပြင် တပ်ရင်းတပ်ဖွဲ့မှ ရဲဘော်တွေကလည်း လေကြောင်းရန် ကာကွယ်ရေး ဇာတ်တိုက်လေ့ကျင့်မှုတွေ လေ့ကျင်ပြသပေးခဲ့ပါတယ်။
ရွှေဘိုမြို့နယ် ကျေးရွာတစ်ရွာမှာလည်း သပိတ်အင်အားစုက ရဲဘော်တွေက ရွေးကောက်ပွဲက စစ်ကော်မရှင်အတွက်ထွက်ပေါက်ဖြစ်ပြီး ပြည်သူလူထုအတွက် ပိုမိုခက်ခဲလာစေမယ့် ထောင်ချောက်ကြီးဖြစ်ကြောင်း၊ အခုအခါ ပြည်သူလူထုမှာ အန္တရာယ်ဒုက္ခ ပိုမိုများပြားလာကြောင်း၊ ပြည်သူ့ဆန္ဒမပါဝင်တဲ့အတွက် မထောက်ခံခြင်း ကန့်ကွက်ခြင်းကို ပြသနိုင်ဖို့လိုအပ်ကြောင်း ဟောပြော ဆွေးနွေးခဲ့ပါတယ်။
ဓာတ်ပုံ – ရွာပေါင်းစုံသပိတ်၊ စစ်ကိုင်းဒေသသပိတ်အင်အားစု၊ ကနီလူထုသပိတ်
