ဒီဇင်ဘာ-၁၆၊၂၀၂၅။ဇေအောင်/People’s Spring
စစ်ကိုင်းတိုင်း၊ ချောင်းဦးမြို့နယ်၊ တောကျောင်းလေးကျေးရွာမှာ စစ်ဘေးရှောင်တွေနေတဲ့ ဘုန်းကြီးကျောင်းကို ပျူစောထီးတွေက ဒရုန်းနဲ့ဗုံးကြဲတိုက်ခိုက်လို့ ကျောင်းအဆောက်အအုံတချို့ ပျက်စီးပြီး စစ်ရှောင်တဲတစ်လုံး မီးလောင်ပျက်စီးခဲ့ပါတယ်။
ဒီဇင်ဘာ ၁၅ရက် ည ၁၁နာရီခန့်က ချောင်းဦးမြို့နယ်၊ တောကျောင်းလေးကျေးရွာက လက်တော်ရာကျောင်းတိုက်ကို ကင်မွန်းတော်ကျေးရွာက ပျူစောထီးစခန်းကနေ ဒရုန်းနဲ့ ဗုံးကြဲတိုက်ခိုက်ခဲ့ကြောင်း၊ အဲဒီဗုံးကြဲမှုကြောင့် ကျောင်းတိုက်က အဆောက်အအုံတချို့ ပျက်စီးပြီး ကျောင်းဝင်းထဲက စစ်ဘေးရှောင်တွေနေတဲ့ ယာယီတဲတစ်လုံး မီးလောင်ပြာကျခဲ့ကြောင်း ဒေသခံတွေက ပြောပါတယ်။
ထိခိုက်ပျက်စီးခဲ့သော ဘုန်းကြီးကျောင်းဝင်းထဲက အဆောက်အအုံအချို့အား တွေ့ရစဥ်။ ဓာတ်ပုံ-ချောင်းဦးသပိတ်ဆရာတော် ထိခိုက်ပျက်စီးခဲ့သော ဘုန်းကြီးကျောင်းဝင်းထဲက အဆောက်အအုံအချို့အား တွေ့ရစဥ်။ ဓာတ်ပုံ-ချောင်းဦးသပိတ်ဆရာတော် ထိခိုက်ပျက်စီးခဲ့သော ဘုန်းကြီးကျောင်းဝင်းထဲက အဆောက်အအုံအချို့အား တွေ့ရစဥ်။ ဓာတ်ပုံ-ချောင်းဦးသပိတ်ဆရာတော်
“ပြည်သူတွေက နောက်တစ်နေရာ ဆက်ပြီးစစ်ဘေးရှောင်နေကြလို့ သေဆုံးထိခိုက် မရှိတာ။ ပုံမှန်အတိုင်းဆို မတွေးဝံ့စရာရယ်။ အသေအပျောက်များမှာ။ လက်နက်ကြီး နေ့မနား ညမနား ပစ်ခက်နေတော့ပြည်သူတွေက ဘေးလွတ်ရာ ရှောင်တိိမ်းနေကြတာ။အဲ့ဒါကြောင့်မထိတာ”လို့ ချောင်းဦးသပိတ်ဆရာတော်က မိန့်ကြားပါတယ်။
Public Service Announcement
စစ်ကောင်စီတပ်က ချောင်းဦးနယ်အတွင်း ပါရာမိုတာ၊ ဂျိုင်အိုကော်ပတာ၊ လက်နက်ကြီး စတာတွေနဲ့ နေ့စဉ်ရက်ဆက်တိုက်ခိုက်နေလို့ တောကျောင်းလေးကျေးရွာ၊ ဝယာကျေးရွာ၊ ရွာသစ်ကျေးရွာ၊ နဂါးဗိုလ်ကျေးရွာ၊ ရွှေကူကျေးရွာနဲ့တစောင်းကျေးရွာတို့က ပြည်သူတွေ တိမ်းရှောင်နေရကြောင်း ဒေသခံတွေက ပြောပါတယ်။
စစ်ကောင်စီတပ်ဟာ ယခုရက်ပိုင်းအတွင်း တော်လှန်ရေးအားကောင်းတဲ့ စစ်ကိုင်း၊ မန္တလေး၊ မကွေးတိုင်းက ဒေသတွေကို လေကြောင်းတိုက်ခိုက်မှုတွေ ဆက်တိုက်ပြုလုပ်နေပြီး ပြည်သူတွေနေ့စဥ်သေဆုံးနေရပါတယ်။
