မြင်းမူမှာ ကြေးနီတင်ယာဥ်တန်း တိုက်ခိုက်ခံရ

ဒီဇင်ဘာ ၂၁၊ ၂၀၂၅ ဇေအောင်/People’s Spring

စစ်ကိုင်းတိုင်း၊ မြင်းမူမြို့နယ်မှာ အ​နောက်​မြောက်တိုင်းစစ်ဌာနချုပ်(နမခ)ကထွက်လာတဲ့စစ်ကောင်စီရဲ့ကြေးနီတင်ယာဥ်တန်းတိုက်ခိုက်ခံရပြီး ထိခိုက်ပျက်စီးမှုတွေရှိကြောင်း သတင်းရရှိပါတယ်။

ဒီဇင်ဘာ ၂၀ ရက် မနက် ၁၁ နာရီခွဲခန့်က မုံရွာ-မန္တလေးလမ်း၊ မြင်းမူမ်ြို့နယ်၊ အလ္လကပ္ပရွာအနီးမှာ မုံရွာအ​ခြေစိုက်နမခကနေ ထွက်လာတဲ့ ၂၄ စီးပါ စစ်ကောင်စီယာဥ်တန်းအနက် ၃ စီးမြောက်နဲ့ ၇ စီးမြောက် ယာဥ်တွေကို မိုင်းဆွဲတိုက်ခိုက်ခဲ့တယ်လို့ T.G.R ပြည်သူ့ကာကွယ်ရေးတပ်ရဲ့ တာဝန်ရှိသူက ပြောပါတယ်။

“၅ ကောင်သေတယ်။၂ ကောင်ဒဏ်ရာရတယ်။”လို့ အထက်ပါ တာဝန်ရှိသူက ဆိုပါတယ်။ စစ်တပ်​သေဆုံးထိခိုက်မှုအ​ခြေအ​နေကို People’s Spring ကသီးခြားအတည်မပြုနိုင်ပါဘူး။

Public Service Announcement

နေ့ခင်းပိုင်းမှာတော့ မိုင်းဆွဲခံရတဲ့နေရာမှာ မိုင်းထိပျက်စီးသွားတဲ့ကားအပိုင်းအစတွေကိုမီးရှို့နေတယ်လို့ ၎င်းက ပြောပါတယ်။

စစ်အုပ်စုဝင်တွေ ထိခိုက်သေဆုံးမှုကို လူထုနွေဦးက သီးခြားအတည်ပြုနိုင်တာ မရှိသေးပါဘူး။

အဲဒီစစ်ဆင်ရေးကို T.G.R ပြည်သူ့ကာကွယ်ရေးတပ်၊မြင်းမူမြို့နယ်ပကဖ၊ အလ္လကပ္ပ တိုက်နယ်ပကဖ၊အမုန်းဗျင်းမဲ့ Drone Teams တို့ ပူးပေါင်းလုပ်ဆောင်ခဲ့တယ်လို့ သိရပါတယ်။

အာဏာသိမ်းစစ်တပ်ရဲ့ ကြေးနီတင်ယာဥ်တွေ ဖြတ်သန်းချိန် ရမ်းသမ်းပစ်ခတ်မှုတွေရှိနေလို့ မုံရွာ-မန္တလေးလမ်း ယာယီပိတ်ထားခဲ့ရတယ်လို့ သတင်းရရှိပါတယ်။