ဒီဇင်ဘာ – ၂၃ ၊၂၀၂၅ ၊ဆိုင်းမင်း/People’s Spring
မန္တလေးမြို့လူထုသပိတ်လှုပ်ရှားမှုရဲ့ ခေါင်းဆောင်တစ်ဦးဖြစ်သူ ကိုထက်မြတ်အောင်ဟာစစ်ကောင်စီရဲ့ဖမ်းဆီးတာခံရပြီးနောက်ဒီနေ့ အထိ သတင်းအစအနမရဘဲ ပျောက်ဆုံးနေတာကြောင့် အသက်အန္တရာယ် အခြေအနေ အထူးစိုးရိမ်နေရတယ်လို့ ရတနာပုံတက္ကသိုလ်ကျောင်းသားသမဂ္ဂ(ရ.တ.က.သ)က ထုတ်ပြန်ပါတယ်။
ကိုထက်မြတ်အောင်ဟာဒီဇင်ဘာလ၁၄ရက်ညနေပိုင်းကစတင်အဆက် အသွယ်ပြတ်တောက်သွားပြီး စစ်ကောင်စီဖမ်းဆီးတာခံလိုက်ရတယ်လို့ သိရှိချိန်ကစလို့ ဒီနေ့ ဒီဇင်ဘာ ၂၂ ရက်အထိ သတင်းစုံစမ်းသိရှိရတာမရှိဘူးလို့ ရ.တ.က.သ က ဆိုထားပါတယ်။
ဖမ်းဆီးခံရချိန် မှာလည်း ကန်ကြောက်ထိုးကြိတ်မှုတွေ၊ အကြမ်းဖက်မှုတွေ ကျူးလွန်ခံရတာကိုစုံစမ်းသိရတယ််လို့ထုတ်ပြန်ချက်မှာ အသိပေးထားပါတယ်။
Public Service Announcement
စစ်ကောင်စီအနေနဲ့ကိုထက်မြတ်အောင်ရဲ့လက်ရှိအခြေအနေကိုအမြန်ဆုံး ထုတ်ပြန်ပေးဖို့ ထုတ်ပြန်ချက်မှာတောင်းဆိုထားပါတယ်။ ကိုထက်မြတ်အောင်် ဟာ ဖမ်းဆီးခံရချိန်မှာ အသက်၂၄နှစ်ရှိပြီး ကျန်းမာရေး အထူးကောင်းမွန်တဲ့ လူငယ်တစ်ဦးလည်းဖြစ်ပါတယ်။
ပြီးခဲ့တဲ့ ဒီဇင်ဘာ ၃ ရက်က မန္တလေးမြို့ ၊စျေးချိုမှာ လူထူသပိတ်ခေါင်းဆောင်ကိုတေဇာဆန်း၊ ကိုနန်းလင်း၊ ကိုခန့်ဝေဖြိုး၊ ကိုထက်မြတ်အောင်တို့ဟာ စစ်အာဏာရှင်ဆန့်ကျင်ရေး ဆန္ဒပြသွားခဲ့ကြပါတယ်။
ကိုတေဇာဆန်းတို့ ဆန္ဒပြပြီးနောက်စစ်ကောင်စီကသပိတ်ခေါင်းဆောင်တွေရဲ့ပုံတွေကို စစ်ဆေးရေးဂိတ်တွေမှာကပ်ပြီးဆုကြေးငွေထုတ်ကာ လိုက်လံရှာဖွေဖမ်းဆီးခဲ့တာပါ။
မန္တလေးဈေးချိုမှာဆန္ဒပြခဲ့တဲ့သပိတ်ခေါင်းဆောင်တွေဖြစ်တဲ့ ဒေါက်တာတေဇာစန်း ၊ ကိုနန်းလင်း ၊ကိုခန့်ဝေဖြိုး ၊ ကိုထက်မြတ်အောင် ၊ မမေချီ (ခ) ချီချီ၊ မရွှန်း (ခ)ရွှန်းရွှန်းနဲ့ အမျိုးသားလေးဦးတို့ကိုလည်း စစ်ကောင်စီက ရွေးကောက်ပွဲနှောင့်ယှက်မှုနဲ့အမှုဖွင့်ခဲ့ပါတယ်။
