ဇန်နဝါရီ-၂၊၂၀၂၆။ သုည/People’s Spring
တနင်္သာရီတိုင်းနဲ့ စစ်တိုင်းတိုင်းအတွင်းက သပိတ်အဖွဲ့တွေ၊ ဒေသခံပြည်သူတွေဟာ စစ်တပ်ရဲ့ ရွေးကောက်ပွဲကို ဆန့်ကျင်ကန့်ကွက်ကြောင်း ဆန္ဒပြသပိတ်လှုပ်ရှားမှုတွေ ဒီကနေ့ (ဇန်နဝါရီ ၂)မှာ အသီးသီး ပြုလုပ်ခဲ့ပါတယ်။
တနင်္သာရီတိုင်း ကေအဲန်ယူ-မြိတ်ထား၀ယ်ခရိုင် လယ်မူလားမြို့နယ်အတွင်းရှိ ဒေသခံပြည်သူတွေက စစ်တပ်ရဲ့ ရွေးကောက်ပွဲ ဆန့်ကျင်ကန့်ကွက်ကြောင်း ချီတက်ဆန္ဒထုတ်ဖော်ခဲ့ပါတယ်။
စစ်ကိုင်းတိုင်း ကသာခရိုင်မှာလည်း လူထုအောင်လံ သပိတ်စစ်ကြောင်းက ဦးဆောင်ပြီး အင်းတော်နယ်၊ ထီးချိုင့်နယ်မှ ပြည်သူတွေ ပူးပေါင်းကာ စစ်ကောင်စီရဲ့ ရွေးကောက်ပွဲကို ဆန့်ကျင်သပိတ်မှောက်ကြောင်း ဆန္ဒပြခဲ့ပါတယ်။
Public Service Announcement
ဆန္ဒပြသူတွေဟာ “စစ် သုံး စစ် တိုက်ဖျက်ရေး” ၊ “ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်” ၊ “သေနတ်အောက်မှာမဲမပေးနဲ့ ပြည်သူတွေ” စတဲ့ စာသားတွေ ကိုင်ဆောင်ပြီး စစ်တပ်ရွေးကောက်ပွဲကို ကန့်ကွက်ကြောင်း ကြွေးကြော်ဆန္ဒပြခဲ့ပါတယ်။
ဒါ့အပြင် “စစ်အာဏာရှင်ကိုတော်လှန်နေတဲ့ မဟာမိတ်တပ်ပေါင်းစုတွေ တိုက်ပွဲတိုင်းအောင်ပါစေ” ၊ “ပြည်သူ့ အရေးတော်ပုံ မုချအောင်ရမည်” ၊ “အမေစုနှင့် နိုင်ကျဥ်း/အားလုံးလွှတ်ပေးရေး” စတဲ့ ကြွေးကြော်သံတွေနဲ့လည်း တောင်းဆိုဆန္ဒပြခဲ့ပါတယ်။
အလားတူ ယင်းမာပင်မြို့နယ်မြောက်ခြမ်းမှာလည်း နောက်ပြန်မလှည့်ကြေးဒီတော်လှန်ရေးသပိတ်စစ်ကြောင်းမှ “သင့်မဲဖြင့် တရားဝင် လူသတ်ခွင့်မပေးနဲ့” ၊ “ဖက်ဆစ်ရွေးကောက် ခွေးထွက်ပေါက် မဲမပေးနဲ့သပိတ်မှောက်” စာသားတွေ ကိုင်ဆောင်ကာ ဆန္ဒထုတ်ဖော်ပြသခဲ့ပါတယ်။
