ဖေဖော်ဝါရီ-၄၊ ၂၀၂၆။ ဟာနာဆန်/People’s Spring
စစ်ကိုင်းတိုင်း၊ မုံရွာမြို့နယ်မှာ စစ်ရှောင်တွေနေတဲ့ ဘုန်းကြီးကျောင်းကို စစ်တပ်က ပါရာမော်တာနဲ့ ဗုံးကြဲတိုက်ခိုက်လို့ စစ်ရှောင် သားအဖ၂ ဦးသေဆုံးပြီး ၄ဦး ဒဏ်ရာရခဲ့ပါတယ်။
ပါရာမော်တာနဲ့ တိုက်ခိုက်ခံရတဲ့ သက္ကကျင်းကျေးရွာက ဘုန်းကြီးကျောင်းအတွင်း ပျက်စီးမှုများအား တွေ့ရစဥ်။ ဓာတ်ပုံ-Monywa Revolution 
ပါရာမော်တာနဲ့ တိုက်ခိုက်ခံရတဲ့ သက္ကကျင်းကျေးရွာက ဘုန်းကြီးကျောင်းအတွင်း ပျက်စီးမှုများအား တွေ့ရစဥ်။ ဓာတ်ပုံ-Monywa Revolution 
ပါရာမော်တာနဲ့ တိုက်ခိုက်ခံရတဲ့ သက္ကကျင်းကျေးရွာက ဘုန်းကြီးကျောင်းအတွင်း ပျက်စီးမှုများအား တွေ့ရစဥ်။ ဓာတ်ပုံ-Monywa Revolution
ဒီကနေ့ ဖေဖော်ဝါရီ ၄ရက် မနက် ၅နာရီခန့်က မုံရွာမြို့ အနောက်မြောက်တိုင်း စစ်ဌာနချုပ်ကနေ (နမခ) တက်လာတဲ့ ပါရာမော်တာ စက်တပ်လေထီးတစ်စီးဟာ သက္ကယ်ကျင်းရွာက ဘုန်းကြီးကျောင်းဝင်းထဲက စစ်ဘေးရှောင်တွေ နေထိုင်နေတဲ့နေရာကို ဗုံးကြဲတိုက်ခိုက်ခဲ့တာဖြစ်ကြောင်း Monywa Revolution ရဲ့ တာဝန်ရှိသူက ပြောပါတယ်။
အဲဒီတိုက်ခိုက်မှုကြောင့် (၁၈နှစ်အရွယ်သားဖြစ်သူနဲ့ ၎င်းရဲ့ဖခင် အသက်(၅၀)ဝန်းကျင် အမျိုးသားတို့ သေဆုံးကြောင်း၊ ဒါ့အပြင် ဘုန်းကြီးတစ်ပါးနဲ့ အမျိုးသမီးတွေအပါအဝင် ပြည်သူ ၆ ဦးထက်မနည်း ထိခိုက်ဒဏ်ရာ ရရှိခဲ့ကြောင်း Monywa Revolution ရဲ့ တာဝန်ရှိသူက ပြောပါတယ်။
Public Service Announcement
“ သက္ကယ်ကျင်းရွာက မီးဘေးသင့်စစ်ရှောင်ပြည်သူတွေပါ။ ဘုရားကွင်းထဲက မီးဘေးသင့် စစ်ရှောင်တွေနေတဲ့ပေါ်ကျတာ။ ထိခိုက်ဒဏ်ရာရတဲ့သူတွေထဲတချို့က ပြင်းထန်တယ်။ ခုထိ ကုသနေဆဲပါ” လို့ အထက်ပါတာဝန်ရှိသူက ရှင်းပြပါတယ်။
အဆိုပါ စစ်ရှောင်တွေဟာ ပြီးခဲ့တဲ့ ၂၀၂၃ အတွင်းက စစ်ကောင်စီတပ်ရဲ့ မီးရှို့ဖျက်ဆီးမှုကြောင့် နေအိမ်ရာချီပျက်စီးခဲ့ပြီးနောက် ဘုန်းကြီးကျောင်းအတွင်း ခိုလှုံနေရတာဖြစ်ကြောင်း ဒေသခံတွေဆီက သိရပါတယ်။
စစ်ကောင်စီတပ်ဟာ မုံရွာနဲ့ချောင်းဦးတဝိုက်မှာ ပါရာမော်တာ၊ ဂျိုင်ရိုကော့ပတာတွေနဲ့ မကြာခဏ တိုက်ခိုက်နေပြီး ပြည်သူထိခိုက်သေဆုံးမှုတွေ ရှိနေပါတယ်။
ပြီးခဲ့တဲ့ အောက်တိုဘာ ၆ ရက် သီတင်းကျွတ်လပြည့်ညက စစ်ကိုင်းတိုင်း၊ ချောင်းဦးမြို့နယ်မှာ ဆီမီးထွန်းပွဲ ဗုံးကြဲလို့ အရပ်သား အနည်းဆုံး ၂၄ ဦး သေဆုံးခဲ့ပြီး ဆယ်ချီ ထိခိုက်ဒဏ်ရာ ရခဲ့ပါသေးတယ်။
