ဖေဖော်ဝါရီ-၇၊ ၂၀၂၆။ ထားမြတ်/People’s Spring
ကရင်အမျိုးသားအစည်းအရုံး(KNU) မြိတ်-ထားဝယ်ခရိုင် ထားဝယ်မြို့နယ် ဟိန္ဒားရွာကို စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့လို့ သံဃာ တစ်ပါး ထိခိုက်ခဲ့ကြောင်း KNUမြိတ်ထားဝယ်ခရိုင်က ထုတ်ပြန်ပါတယ်။
KNU အုပ်ချုပ်နယ်မြေသတ်မှတ်ချက်အရ ကစယ်ဒိုမြို့နယ်မှာရှိတဲ့ ဟိန္ဒားရွာထဲကို စစ်ကောင်စီက ဖေဖော်ဝါရီ ၄ရက် မနက်မှာတိုက်လေယာဉ်နဲ့ ပေါင် ၃၀၀ ဗုံး ၂လုံး ကြဲချခဲ့တာလို့ ဆိုပါတယ်။
စစ်ကောင်စီဗုံးကြဲမှုကြောင့် ဟိန္ဒားရွာဘုန်းကြီးကျောင်း ပျက်စီးနေတာကို တွေ့ရစဉ်။ ဓာတ်ပုံ – KNU-MTD စစ်ကောင်စီဗုံးကြဲမှုကြောင့် ဟိန္ဒားရွာဘုန်းကြီးကျောင်း ပျက်စီးနေတာကို တွေ့ရစဉ်။ ဓာတ်ပုံ – KNU-MTD စစ်ကောင်စီဗုံးကြဲမှုကြောင့် ဟိန္ဒားရွာဘုန်းကြီးကျောင်း ပျက်စီးနေတာကို တွေ့ရစဉ်။ ဓာတ်ပုံ – KNU-MTD စစ်ကောင်စီဗုံးကြဲမှုကြောင့် ဟိန္ဒားရွာဘုန်းကြီးကျောင်း ပျက်စီးနေတာကို တွေ့ရစဉ်။ ဓာတ်ပုံ – KNU-MTD
အဲဒီလိုတိုက်ခိုက်လို့ သံဃာ တစ်ပါးထိခိုက်ပြီး ဘုန်းကြီးကျောင်း အဆောက်အအုံတွေ ထိခိုက်ပျက်စီးခဲ့ရတယ်လို့ မှတ်တမ်းဓာတ်ပုံတွေ ဖော်ပြ အသိပေးပါတယ်။
Public Service Announcement
စစ်ကောင်စီဟာ ဇန်နဝါရီ ၂၆ရက်ကလည်း ကစယ်ဒိုမြို့နယ် ဖောင်းတောအရှေ့ဘက်ကမ်း ဘောလုံးကွင်းအနီးကို လေကြောင်းဗုံးကြဲခဲ့လို့ နေအိမ်အချို့ ပျက်စီးမှုရှိခဲ့ပါတယ်။
စစ်ကောင်စီဟာ လက်လွှတ်ဆုံးရှုံးထားတဲ့ နယ်မြေတွေက ပြည်သူတွေကို အကြောက်တရား ဖြစ်ပေါ်စေဖို့ ရည်ရွယ်ချက်ရှိရှိ လေကြောင်းဗုံးကြဲတိုက်ခိုက်နေခြင်းဖြစ်ကြောင်း KNU မြိတ်ထားဝယ်ခရိုင်က ထုတ်ပြန်ထားပါတယ်။
KNU မြိတ်ထားဝယ်ခရိုင်အပါအဝင် ကျန်ခရိုင် တပ်မဟာနယ်မြေအသီးသီးမှာလည်း စစ်ကောင်စီဟာ အရပ်သားတွေကို ပစ်မှတ်ထားတဲ့ လေကြောင်းတိုက်ခိုက်မှု၊ ဒရုန်း၊ လက်နက်ကြီး တိုက်ခိုက်မှုတွေ ဆက်တိုက်ကျူးလွန်နေလို့ အရပ်သား ပြည်သူသေဆုံးမှုတွေ မကြာခဏ ဖြစ်ပေါ်လျက်ရှိပါတယ်။
