ကျွန်းလှ၊ရွာကုန်းကြီးရွာကိုစစ်တပ်ဗုံးကြဲ ​ကျောင်း၊​ဆေးရုံနဲ့​နေအိမ်​တွေပျက်စီး ၊လူထိခိုက်မှုမရှိ

​ဖေ​ဖော်ဝါရီ-၂၀၊၂၀၂၆။​နေ့သစ်/People’s Spring

စစ်ကိုင်းတိုင်း ၊ကျွန်းလှမြို့နယ်အနောက်ခြမ်းမှာရှိတဲ့ ရွာကုန်းကြီးကျေးရွာကို စစ်တပ်ကတိုက်ပွဲမရှိပဲ ဗုံးကြဲခဲ့တာ​ကြောင့် စာသင်​ကျောင်း ၊​ဆေးရုံနဲ့​နေ

အိမ်​တွေ ပျက်စီးခဲ့တယ်လို့ ​ဒေသခံ​တွေက​ပြောပါတယ် ။

​ဖေ​ဖော်ဝါရီ၁၈ ရက်ည​နေပိုင်းမှာ တစ်ကြိမ်ဗုံးကြဲရင် ဗုံးနှစ်လုံး နဲ့ ​စုစု​ပေါင်းလေးကြိမ် ဗုံးရှစ်လုံးကို

Public Service Announcement

ရွာကုန်းကြီးရွာအား ကြဲချတိုက်ခိုက်ခဲ့တယ်လို့ ​ဒေသခံ​တွေက​ပြောပါတယ် ။​ဖေ​ဖော်ဝါရီ ၁၈ ရက် ည​နေ ၃ နာရီ ၅၃မိနစ် ၊ ၅၄ မိနစ် ၊ ည​နေ ၅ နာရီ ၃၉ မိနစ် ၊ ၄၀ မိနစ်ဝန်းကျင်တို့မှာကြဲချခဲ့တာလို့ ​ဒေသခံ​တချို့နဲ့ ​​ဒေသတွင်းလေ​ကြောင်းတိုက်ခိုက်မှု​တွေကို ​ဖော်ပြ​ပေး​နေတဲ့ Kawlin News ​ဖေစ်ဘွခ်​ပေချ်ကလည်း​ဖော်ပြပါတယ် ။

“ရွာထဲတည့်တည့်ပစ်တာ(ဗုံးကြဲ) တိုက်ပွဲဖြစ်ပွားခြင်းမရှိပဲ အကြောင်းမဲ့လာပစ်တာ စာသင်​ကျောင်းတော့တော်တော်ပျက်စီးသွားတယ်။အထိခိုက်တော့မရှိဘူး”လို့ ​ဒေသခံတဦးက​ပြောပါတယ်။

စစ်တပ်ဗုံးကြဲချိန်မှာ ​ဒေသခံပြည်သူ​တွေ ရွာမှာမရှိတာ​ကြောင့် လူထိခိုက်​သေဆုံးမှု မရှိဘူးလို့ သူကဆက်​ပြောပါတယ် ။

စစ်တပ်ဗုံးကြဲမှု​ကြောင့် စာသင်​ကျောင်း ၊ တိုက်နယ်​ဆေးရုံ နဲ့ ရွာရှိ​နေအိမ် ၇ လုံးခန့်ပျက်စီးခဲ့တယ်လို့ ​ဒေသခံ​တွေက​ပြောပါတယ် ။အ​ဆောက်အအုံ​တွေပျက်စီး​နေတာကို ​ဒေသခံ​တွေ​​ပေးပို့တဲ့ ဓါတ်ပုံ နဲ့ ဗီဒီယို မှတ်တမ်း​တွေမှာလည်း​တွေ့ရပါတယ်။

စစ်တပ်က ရွာကုန်းကြီးရွာကို ၂၀၂၄ ခုနှစ် နှစ်ကြန်ပိုင်းကလည်း တိုက်ပွဲဖြစ်တာမရှိပဲ ဗုံးကြဲခဲ့ဖူးပါတယ် ။

အာဏာသိမ်းစစ်တပ်က ယခုလပိုင်းအတွင်းမှာ ​ကောလင်း ၊ကျွန်းလှ ၊ကသာ၊ဗန်း​မောက် စတဲ့ စစ်ကိုင်းတိုင်းနဲ့ ကချင်ပြည်နယ်အစပ် က​ဒေသ​တွေကိုဗုံးကြဲတိုက်ခိုက်တာ​တွေပိုလုပ်​နေတာ​တွေ့ရပါတယ် ။