ဖေဖော်ဝါရီ-၂၄၊ ၂၀၂၆ ဇေအောင်/People’s Spring
စစ်ကိုင်းတိုင်း၊ မြင်းမူမြို့နယ်က ရွှေကျောင်းကန်ကျေးရွာကို အာဏာသိမ်းစစ်တပ်က စက်တပ်လေထီးနဲ့ လေကြောင်းကနေ ဗုံးကြဲတိုက်ခိုက်လို့ ကလေး ၂ဦးအပါအဝင် ပြည်သူ ၉ ဦး သေဆုံးခဲ့ရပါတယ်။
မနေ့က ဖေဖော်ဝါရီ ၂၃ ရက် ည ၇နာရီဝန်းကျင်က မြင်းမူမြို့ရဲ့အရှေ့မြောက်အရပ်
မှာရှိတဲ့ ရွှေကျောင်းကန်ကျေးရွာကို မုံရွာအနောက်မြောက်တိုင်းစစ်ဌာနချုပ်(နမခ)ကနေတက်လာတဲ့ စက်တပ်လေထီး၂စီးနဲ့ ဗုံးကြဲတိုက်ခိုက်လို့ အမျိုးသား ၄ဦး၊ အမျိုးသမီး ၃ဦးနဲ့ ကလေး ၂ဦး စုစုပေါင်း ပြည်သူ ၉ဦး သေဆုံးခဲ့ကြောင်း မြင်းမူမြို့နယ်မီးဘေးလုံခြုံရေးအဖွဲ့ရဲ့ တာဝန်ရှိသူက ပြောပါတယ်။
ဒါ့အပြင် အခြားပြည်သူ ၅ ဦးလည်းဒဏ်ရာရပြီး နွား ၂ကောင်လည်း သေဆုံးခဲ့ကြောင်း သိရပါတယ်။
Public Service Announcement
“ထိခိုက်ဒဏ်ရာရ ၅ဦးအခြေအနေက ထိခိုက် ဒဏ်ရာရ သတ်မှတ်နှုန်းထားအရ ၅၀ရာခိုင်နှုန်း ရှိပါတယ်။ တိုက်ပွဲဖြစ်ပွားခြင်းမရှိဘဲလေကြောင်းတိုက်ခိုက်မှု ပြုလုပ်ခြင်းပါ။”လို့
မြင်းမူမြို့နယ်မီးဘေးလုံခြုံရေးအဖွဲ့ရဲ့ တာဝန်ရှိသူက ပြောပါတယ်။
မြင်းမူမြို့နယ်ဟာ အာဏာသိမ်းစစ်တပ်ရဲ့ လေကြောင်းတိုက်ခိုက်မှုတင်မကဘဲ မြေပြင်စစ်ကြောင်းထိုးကာ အစုလိုက်အပြုံလိုက်
သတ်ဖြတ်မှု၊ ရွာလုံးကျွတ်မီးရှို့ဖျက်ဆီးမှုတွေ ကြုံခဲ့ရတဲ့ဒေသဖြစ်ပါတယ်။
