မတ်-၁၀၊၂၀၂၆။ရောင်နီ/People’s Spring
ပြည်သူ့ကာကွယ်ရေးတပ်မတော်(PDF) ရဲဘော် တွေ လုံခြုံရေးယူပေးထားတဲ့ အလှူပွဲမှာ ဖျော်ဖြေခဲ့တဲ့ သရုပ်ဆောင်လမင်းကဗျာကို စစ်ကောင်စီက ဖမ်းဆီးစစ်ဆေးနေတယ်လို့ သိရပါတယ်။
လမင်းကဗျာကို မတ်၉ရက် မနက်က သူမနေထိုင်တဲ့ လှိုင်မြို့နယ် (၁၆)ရပ်ကွက် ဦးဖိုးမှန်လမ်းက နေအိမ်မှာ စစ်ကောင်စီက ဝင်ရောက်ဖမ်းဆီးခဲ့တာလို့ ရန်ကုန်မြေပြင်သတင်းတွေကို ဖော်ပြပေးနေတဲ့ Rangoon Scout Network ကအတည်ပြုပါတယ်။
လမင်းကဗျာရဲ့ ဖေ့စ်ဘွတ်ခ်အကောင့်မှာတော့ “လမင်းအိမ်မှာရှိပါတယ်ရှင့် ၊ဝိုင်းပြီးစိတ်ပူပေးတဲ့အတွက် ကျေးဇူးတင်ပါတယ်ရှင့်”လို့ မတ်လ ၉ရက် ညနေက ရေးသားထားပါတယ်။
Public Service Announcement
မကွေးတိုင်း၊ မြိုင်မြို့နယ်က ကျေးရွာတစ်ရွာက အလှူပွဲမှာ သွားရောက်ဖျော်ဖြေတဲ့ လမင်းကဗျာကို PDF ရဲဘော်တွေက လုံခြုံရေးယူပေးနေတဲ့ ဗီဒီယိုဖိုင်တွေ အွန်လိုင်းမှာ ပြန့်လာပြီးနောက်လစစ်ကောင်စီ ထောက်ခံသူတွေက လမင်းကဗျာကို ဖမ်းဆီးဖို့ လှုံ့ဆော်ခဲ့ကြတာပါ။
လမင်းကဗျာကို စစ်ကြောရေးမှာ စစ်ဆေးနေပြီး ရဲစခန်းဘက်ကိုတော့ လွှဲပြောင်းတာမရှိသေးဘူးလို့ သိရပါတယ်။
