🩺 ကိုဗစ်အလွန်မှာ ကျန်းမာရေးစစ်ဆေးမှုတွေလုပ်ဖို့လိုပါတယ်။
😷 ကိုဗစ်ပျောက်ကင်းသွားသူတွေအားလုံး ဆေးစစ်ဖို့လိုတာတော့မဟုတ်ပါဘူး။ Mild Symptom လို့ခေါ်တဲ့ သာမန်ကိုဗစ်လက္ခဏာတွေပဲ ခံစားရသူတွေကတော့ မဖြစ်မနေစစ်ဖို့ မလိုပါဘူး။
🤒 အဖျားကြီးပြီးအဖျားကလည်းရက်ရှည်တယ်၊ ချောင်းဆိုးဆိုးရွားရွားဆိုးပြီး သလိပ်ထွက်တယ်၊ အောက်စီဂျင်မ ကျပေမယ့်လည်း ကိုဗစ်လက္ခဏာတွေကို အတန်အသင့်ပြင်းထန်စွာ ရက်ရှည်ခံစားခဲ့ကြသူတွေက ဆေးစစ်ဖို့ လိုအပ် ပါတယ်။ ရောဂါကူးစက်ခံရသူတွေထဲက အနည်းစုဖြစ်တဲ့ အောက်စီဂျင်ကျတယ်၊ ဆေးရုံနဲ့ နေအိမ်တွေမှာ ကုသမှုခံယူခံယူခဲ့ရတဲ့ ရောဂါလက္ခဏာ ဆိုးဆိုးရွားရွားခံစားခဲ့ကြရတယ်ဆိုသူတွေကတော့ နောက်ဆက်တွဲ ကျန်းမာရေးစစ်ဆေးမှုတွေ မဖြစ်မနေလုပ်ရမှာဖြစ်ပါတယ်။
🏥 ဆေးရုံကြီးအချို့ကတော့ ကိုဗစ်အလွန်ကျန်းမာရေးစစ်ဆေးမှုအတွက် Package တွေစီစဉ်ပြီး စစ်ပေးနေတာတွေ ရှိပါတယ်။
Public Service Announcement
🏩 အဲလိုအများကြီးစစ်ဖို့ အကုန်အကျမတတ်နိုင်ဘူးဆိုရင် အနည်းဆုံးတော့ ရင်ဘတ်ဓာတ်မှန်ရိုက်၊ နှလုံး အီးစီးဂျီဆွဲ၊ CRP , CP နဲ့ Liver Function Test တို့လို သွေးစစ်ဆေးတာတွေကိုတော့ အနည်းဆုံးလုပ်ကြဖို့ ဆရာဝန်တွေက အကြံပြုပါတယ်။
👩🏻⚕️ နာတာရှည်ရောဂါအခံရှိသူတွေကတော့ ဆရာဝန်နဲ့တိုင်ပင်ပြီး ရာဂါအခံ၊ အသက်အရွယ်အပေါ်မူတည်ပြီး အခြား လိုအပ်တဲ့စစ်ဆေးမှုတွေကိုလည်းလုပ်ဖို့ ဆရာနဝန်တွေက အကြံပြုထားပါတယ်။
🫁 ကိုဗစ်က အဆုတ်၊ နှလုံး၊ အသည်း၊ ကျောက်ကပ်နဲ့ ဦးနှောက်အာရုဏ်ကြောတွေကို အနည်းနဲ့အများ ထိခိုက်စေတဲ့အတွက် ကိုဗစ်ရောဂါကို အောင်အောင်မြင်မြင်တိုက်ထုတ်ပြီးနလန်ထပြီဆိုတာနဲ့ စစ်ဆေးကြည့်ရမှာပါ။
🦠 ကိုဗစ်လက္ခဏာတွေစပြတဲ့ရက်ကနေ ၂၁ ရက်အကြာမှာ သူများကို ပိုးကူးနိုင်ချေနည်းသွားပြီဖြစ်လို့ အဲဒီနောက်ပိုင်းမှ ကျန်းမာရေးစစ်ဆေးတာတွေလုပ်သင့်တယ်လို့ ပြောပါတယ်။
🍛 ကိုဗစ်လက္ခဏာတွေသက်သာပျောက်ကင်းသွားတဲ့တိုင်အောင် ကောင်းကောင်းနားပါ၊ အရမ်းမလှုပ်ရှားပါနဲ့ ၊ ပြင်းပြင်းထန်ထန်အလုပ်တွေ လေ့ကျင့်ခန်းတွေမလုပ်ပါနဲ့၊ အင်အားပြန်ပြည့်အောင် ကျန်းမာတဲ့အ စားအစာ တွေစားပါ။
