Connect with us

Hi, what are you looking for?

LuduNwayOo

ဗီဒီယို

အမေရိကန် လေ့ကျင့်ပေးထားတဲ့ အာဖဂန် ကွန်မန်ဒိုဟောင်းတွေကို ယူကရိန်း စစ်ပွဲအတွက် ရုရှား ငှားရမ်းအသုံးပြုနေ

ရုရှားကို အာဖဂန် ကွန်မန်ဒိုဟောင်း ဘယ်နှယောက်ထိ ရောက်ရှိနေပြီလဲ ဆိုတာကို မသိရသေးပေမယ့် နောက်ထပ် ၄၀၀ လောက်ကတော့ ရုရှားဆီက ကမ်းလှမ်းမှုတွေ ရရှိထားပြီး စဉ်းစားနေဆဲလို့လည်း သိရပါတယ်။

အမေရိကန်က လေ့ကျင့်ပေးထားတဲ့ အာဖဂန်နစ္စတန် ကွန်မန်ဒို စစ်သားဟောင်းတွေကို ယူကရိန်း စစ်ပွဲအတွက် ရုရှားက ငှားရမ်း အသုံးပြုနေကြောင်း သိရပါတယ်။

အာဖဂန်ကနေ အမေရိကန်တပ်တွေ ရုပ်သိမ်းသွားပြီး တာလီဘန် စစ်သွေးကြွတွေ အာဏာရလာတဲ့ အချိန်မှာ အာဖဂန် တပ်ဖွဲ့ဝင် တော်တော်များများက ပြည်ပကို ထွက်ပြေး တိမ်းရှောင်ခဲ့ကြပါတယ်။ အဲဒီထဲမှာ အမေရိကန်က လေ့ကျင့်ပေးပြီး အမေရိကန် တပ်ဖွဲ့ဝင်တွေနဲ့အတူ တိုက်ပွဲဝင်ဖူးတဲ့ အထူးကွန်မန်ဒို တော်တော်များများလည်း အီရန်ကို ရောက်သွားပါတယ်။

အီရန်နဲ့ ရုရှားတို့ဟာ ရင်းနှီးတဲ့ ဆက်ဆံရေးမျိုး ရှိနေတဲ့နောက် အီရန်မှာ ခိုလှုံနေတဲ့ အဲဒီ အာဖဂန် ကွန်မန်ဒိုဟောင်းတွေကို ရုရှားက ကြေးစားအဖြစ် ဆက်သွယ် ကမ်းလှမ်းလာခဲ့တာလို့ အာဖဂန် စစ်ဗိုလ်ချုပ်ဟောင်း ၃ ဦးက AFP သတင်းဌာနကို ပြောကြားခဲ့ပါတယ်။

အခုဆိုရင် ယူကရိန်း စစ်မြေပြင်မှာ လက်တွေ့ တိုက်ပွဲဝင်နေတဲ့ အာဖဂန် ကွန်မန်ဒိုဟောင်းတွေ ရှိနေပြီလို့လည်း သိရပါတယ်။ အမေရိကန်က စနစ်တကျ လေ့ကျင့်ပေးထားတဲ့ အာဖဂန် ကွန်မန်ဒိုဟောင်းတွေဟာ ရုရှားရဲ့ နိုင်ငံခြားသား ကြေးစား တပ်ဖွဲ့ (Wagner)ကို သွားရောက် ပူးပေါင်းကြရတာ ဖြစ်ပါတယ်။ ရုရှား ကာကွယ်ရေး ဝန်ကြီးဌာနက အဲဒီ စစ်သားတွေကို လစာအဖြစ် ဒေါ်လာ ၁၅၀၀ ပေးအပ်ပြီး သူတို့နဲ့ မိသားစုကို အာဖဂန်ဆီ လုံးဝ ပြန်မပို့ဘဲ နေရေးထိုင်ရေး စီစဉ်ပေးမယ်လို့ မက်လုံးပေး အာမခံခဲ့ကြောင်း သိရပါတယ်။

တကယ်တော့ အဲဒီကွန်မန်ဒို စစ်သားဟောင်းတွေက ယူကရိန်း စစ်ပွဲမှာ မပါချင်ကြကြောင်း၊ ဒါပေမဲ့ သူတို့မှာ တခြားရွေးချယ်စရာလည်း မရှိကြောင်း အာဖဂန် ဗိုလ်ချုပ်ဟောင်းတွေထဲက တစ်ဦးဖြစ်တဲ့ အက်ဘ်ဒူလ် ရော့ဖ် အာဂန်ဒီဝဲလ်က ပြောပါတယ်။

ရုရှား ကာကွယ်ရေး ဝန်ကြီးဌာနကတော့ ဒီကိစ္စအပေါ် ဘာမှတ်ချက်မှ တိတိကျကျ မပေးသေးပါဘူး။ အမေရိကန် ကာကွယ်ရေး ဝန်ကြီးဌာနကလည်း သူတို့ လေ့ကျင့်ပေးထားတဲ့ ကွန်မန်ဒိုတွေက ယူကရိန်းကို တိုက်ခိုက်နေတယ်ဆိုတဲ့ သတင်းတွေနဲ့ ပတ်သက်လို့ နှုတ်ဆိတ်နေဆဲ ဖြစ်ပါတယ်။

ရုရှားကို အာဖဂန် ကွန်မန်ဒိုဟောင်း ဘယ်နှယောက်ထိ ရောက်ရှိနေပြီလဲ ဆိုတာကို မသိရသေးပေမယ့် နောက်ထပ် ၄၀၀ လောက်ကတော့ ရုရှားဆီက ကမ်းလှမ်းမှုတွေ ရရှိထားပြီး စဉ်းစားနေဆဲလို့လည်း သိရပါတယ်။

You May Also Like

နိုင်ငံတကာ

ပူတင်ကတော့ စစ်သည်တွေရဲ့ မိခင်တွေနဲ့ တွေ့ဆုံချိန်မှာ သူတို့ရဲ့ သားတွေကို သူရဲကောင်းတွေ အနေနဲ့ ဂုဏ်ယူသင့်ကြောင်း ပြောခဲ့သလို တိုက်ပွဲကျသွားသူ တစ်ဦးရဲ့ မိခင်ကိုလည်း သူ့သားဟာ အချည်းနှီး အသက်ပေးသွားတာ မဟုတ်ဘူးလို့ နှစ်သိမ့်နေခဲ့တာ တွေ့ရပါတယ်။

နိုင်ငံတကာ

နိုဝင်ဘာ ၂၃ ရက်မှာ ဥရောပ ပါလီမန်ရဲ့ ဥပဒေပြု အမတ်တွေက ရုရှားဟာ ယူကရိန်းမှာ အရပ်သားတွေအပေါ် ပစ်မှတ်ထားတဲ့ တိုက်ခိုက်မှုတွေ ဆက်တိုက် ကျူးလွန်နေတာကြောင့် နိုင်ငံတကာ ဥပဒေတွေကို ချိုးဖောက်ရာရောက်ပြီး အကြမ်းဖက် အားပေးနိုင်ငံအဖြစ် သတ်မှတ်ကြောင်း မဲခွဲဆုံးဖြတ် အတည်ပြုခဲ့ပါတယ်။

သတင်း

အမေရိကန် ဒုသမ္မတ အရှေ့တောင်အာရှကို ရောက်နေချိန်မှာ ပဲ မြန်မာနိုင်ငံမှာ နျူကလီးယား ဓာတ်အားပေး စက်ရုံ ဆောက်ဖို့ ရုရှားနဲ့ စစ်ကောင်စီတို့ လက်မှတ်ထိုးလိုက်ကြတာပါ။

နိုင်ငံတကာ

လူမှုကွန်ရက်ပေါ် ရောက်ရှိလာတဲ့ ဓာတ်ပုံတွေ၊ ဗီဒီယိုတွေထဲမှာတော့ အခင်းဖြစ်ရာ နေရာတဝိုက်မှာ ရဲအင်အား အမြောက်အမြား ဖြန့်ကျက်ထားတာ တွေ့ရပါတယ်။